Paltiing 6:12 - Ti Biblia (1973)

¹² Ket nakitac idi linuctanna daydi maicanem a sello ket immay ti maysa a dackel a gingined, ket daydi init ngimmisit a cas la maysa a panes a booc; ket daydi bulan nagbalin amin a cas la dara;

Ti Baro a Naimbag a Damag Biblia

¹² Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Paltiing 6:12 Iomraidhean Croise

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Isaias 29:6

Isu sarungcaranto ni Jehova dagiti buybuyot a buyogan dagiti gurrood, ken gingined, ken dackel a daranudor, cadagiti alawig ken bagio, ken ti darang ti mangrunaw nga apuy.

Isaias 34:4

Ket amin a buyot ti langit mawarawaranto, ken dagiti langlangit malucotlucotdanto a cas maysa a libro a linucot; ket amin a buyotda malaylaydanto, a cas iti bulong a malaylay a naisina iti uvas, ken cas maysa a bulong nga aglaylay nga aggapu iti cayo ti higos.

Isaias 50:3

Cawesac dagiti langlangit iti kinasipnget, ken aramidec nga abbongda ti lupot a nakersang.

Joel 2:10

Agkintayeg ti daga iti sangoananda; dagiti langit agpigergerda; ti init ken ti bulan agridemda, ket dagiti bitbitwen ipaidamda ti silengda.

Joel 3:15

Ti init ken ti bulan agcudrepda, ket dagiti bitbitwen ipaidamda ti silengda.

Amos 1:1

Dagiti sasao ni Amos, isu nga adda idi cadagiti agpaspastor idiay Tecua, isuda a naimatanganna a maipapan iti Israel cadagiti al-aldaw ni Uzias, ari ti Juda, ken cadagiti al-aldaw ni Jeroboam nga anac ni Joas, ari ti Israel, iti dua a tawen iti casangoanan ti gingined.

Amos 8:9

Ket maaramidto iti dayta nga aldaw, cuna ni Apo Jehova, a palnekecto ti init iti tengnga ti aldaw, ket pagsipngetecto ti daga iti aldaw a nalawag.

Zacarias 14:5

Ket agtalawcayto iti lobong dagiti bantayco, ta ti lobong dagiti bantay dumanonto agingga iti Hasal; wen, dacayo agtalawcayto, a cas iti panagtalawyo iti gingined cadagiti al-aldaw ni Uzias nga ari ti Juda; ket ni Jehova a Diosco umayto, ken amin dagiti Sasanto a cumuyog kenca.

San Mateo 11:21

Asica pay, Corazin! Asica pay, Betsaida! ta no idiay Tiro ken Sidon naaramidda coma dagiti datdatlag a naaramid cadacayo nagbabawida coma a nabayagen iti cilicio ken dapo.

San Mateo 24:29

Ket maigiddatonto iti calpasan ti rigat cadagita nga aldaw, a ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

San Mateo 24:7

Ta tumacderto ti nacion a bumusor iti sabali a nacion, ti pagarian a bumusor iti sabali a pagarian: ket addanto bisbisin ken gingined iti nadumaduma a disso.

San Mateo 27:45

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

San Mateo 27:54

Daydi centurion ngarud, ken dagiti naicuyog kencuana nga nagbanbantay ken Jesus, idi nakitada daydi gingined ken dagiti naaramid, nagbutengda iti dackel unay, a cuncunada: Pudno nga Anac ti Dios daytoy.

San Mateo 28:2

Ket adtoy simro ti maysa a dackel a gingined; ta maysa nga angel ti Apo bimmaba manipud langit, ket idi a dimteng, tinulidna daydi bato ket nagtugaw iti rabawna.

San Marcos 15:33

Ket idi horas a maicanemen, nagsipnget iti rabaw ti amin a daga, agingga iti horas a maicasiam.

Paltiing 11:13

Ket idi nga horas immay ti maysa a dackel a gingined, ket natuang ti apagcapul-lo ti ciudad, ket natayda iti gingined dagiti pito ribo a tattao; ket dagidi natidda, nagbutengda, ket impaayda ti panagdaydayaw iti Dios ti langit.

Paltiing 16:18

Ket adda kimkimat idi ken ririaw ken gurgurrood; ket immay ti maysa a dackel a gingined, nga awan capadana nanipud idi adda tattao iti rabaw ti daga, maysa a gingined a nagdackel, casta unay a nagbileg.

Paltiing 16:8

Ket ti maicapat imbuyatna daydi malocongna idi init; ket naipalubos kencuana ti panangkesset cadagiti tattao iti apuy.

Paltiing 8:12

Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.

Paltiing 8:5

Ket daydi angel innalana daydi paginciensoan; ket pinunnona iti apuy di altar, ket imbellengna iti daga ket simmaruno dagiti gurgurrood, ririaw, ken kimkimat ken maysa a gingined.