Paltiing 5:9 - Ti Biblia (1973)

⁹ Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.

Ti Baro a Naimbag a Damag Biblia

⁹ Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,

Paltiing 5:9 Iomraidhean Croise

Dagiti Salmo 144:9

Mangcantaacto iti baro a canta kenca, O Jehova: madanggayan ti salterio a sangapulo dagiti cuerdasna agcantaacto cadagiti panangidaydayaw kenca.

Dagiti Salmo 149:1

Idaydayawyo ni Jehova. Cantaanyo ni Jehova iti baro a canta, ken iti pannacaidaydayawna iti tallaong dagiti sasanto.

Dagiti Salmo 33:3

Cantaanyo iti baro a canta; laingenyo ti agcutengteng a buyugen ti napigsa nga aweng.

Dagiti Salmo 40:3

Ket impaayna ti baro a canta ditoy ngiwatco, wen, pangidaydayaw iti Diostayo: adu dagiti macaimatangto, ken agbuteng, ket agtalecdanto ken Jehova.

Dagiti Salmo 96:1

O cantaanyo ni Jehova iti baro a canta: cantaanyo ni Jehova, dagup ti daga.

Dagiti Salmo 98:1

O cantaanyo ni Jehova iti baro a canta; ta nagaramid cadagiti nacascasdaaw a banbanag: ti canawan nga imana, ken ti nasantoan a tackiagna, nagun-odnan ti balligi a maipaay kencuana.

Isaias 42:10

Icantaanyo ni Jehova iti maysa a baro a canta, ken ti dayawna manipud iti pungto ti daga; dacayo a bumaba iti baybay, ken amin dagiti adda kencuana, dagiti purpuro, ken dagiti agnaed kencuana.

Daniel 3:4

Idin ti agipacpacdaar inriawna a natbag, Maibilin cadacayo, O il-ili, nasnacion ken pagsasao,

Daniel 4:1

Ni Nabucodonosor nga ari, iti amin nga il-ili, nasnacion, ken pagsasao, nga agnaed iti amin toy daga: Talna coma ti mapaadu cadacayo.

Daniel 5:19

Ket gapu iti kinatan-oc nga intedna kencuana, amin dagiti il-ili, nasnacion, ken pagsasao nagpigerger ken nagbutengda iti saclangna: dagiti kinayatna pinatayna, ket dagiti kinayatna binayanna nga agbiag; dagiti kinayatna intan-ocna, ket dagiti kinayatna impababana.

Daniel 6:25

Iti casta ni ari Dario nagsurat iti amin nga il-ili, nasnacion, ken pagsasao, nga agnaed iti amin a daga: Ti talna umad-adda la coma cadacayo.

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Mateo 26:28

Ta daytoy isu ti darac iti Baro a tulag, isu a maibuyat gapu cadagiti adu, a maipaay iti pannacaiccat dagiti basbasol.

Dagiti Aramid 20:28

Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.

1 Taga-Corinto 6:20

Ta nagatangcayo iti maysa a pateg; pagdayawyo ngarud ti bagiyo iti Dios.

1 Taga-Corinto 7:23

Nagatangcayo iti maysa a pateg; dicay coma paad-adipen cadagiti tattao.

Taga-Efeso 1:7

Ket kencuana maaddaantayo ti pannacasubbot gapu iti darana, ti pannacapacawan dagiti basbasol, a mayannurot iti kinabacnang ti paraburna,

Taga-Efeso 5:19

Nga agsasaocayo coma ti mapacuyogan cadagiti salmos ken himhimno ken naespirituan a cancancion nga icancantayo iti Apo ket itoctocaryo cadagiti puspusoyo;

Taga-Colosas 1:14

A kencuana maaddaantayo ti pannacasubbot, ti pannacapacawan dagiti basbasoltayo:

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 11:14

Ta dagiti agcuna cadagiti cacastoy a banag, iparangda a sapsapulenda ti daga a pagilianda.

2 Pedro 2:1

Ngem adda pay idi dagiti saan a pudno a mammadto iti tengnga dagiti umili, a cas met ti caaddanto dagiti saan a pudno a mannursuro iti tengngayo, isuda a mangiserrecto a sililimed cadagiti nakillo ken macadadael a pammati, ket paglicudandanto uray ti Apo a nanubbot cadacuada, ket icuyogda met laeng cadacuada ti napardas a pannacapucawda.

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

Paltiing 10:11

Ket cuncunada caniac; masapul nga agipadtoca manen a maipapan cadagiti adu nga ilili, ken pagpagarian, ken pagsasao, ken ar-ari.

Paltiing 11:9

Ket dagiti bangcayda buybuyaen dagiti naggapu cadagiti il-ili ken capututan ken pagsasao ken pagpagarian bayat ti tal-lo nga aldaw ket guddua, ket dida ipalubos a dagiti bangcayda maitanemda.

Paltiing 13:7

Ket naipalubos kencuana ti pananggubatna cadagiti sasanto, ken mangabac cadacuada: ket naited kencuana ti panagturay iti isu-amin a capututan, ken ili, pagsasao, ken pagpagarian.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 14:6

Ket nacakitaac ti sabali nga angel a tumaytayab iti tangatang, nga adda ipacaammona a naimbag a damag nga agnanayon cadagiti agnaed iti rabaw ti daga, ken cadagiti amin a pagpagarian ken capututan, ken pagsasao ken ilili.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 17:15

Ket kinunana caniac: Dagiti danum a nakitam, idiay a nagtugawan ti balangcantis, isuda dagiti ilili ken umariwecwec, ken pagpagarian ken pagsasao.

Paltiing 4:11

Sica ti maiparbeng, Apomi ken Diosmi, nga umawat iti dayag, iti dayaw ken iti pannacabalin; ta sica pinarsuam dagiti isu-amin nga adda, ket gapu iti nakemmo naaddada, ket naparsuada.

Paltiing 5:12

A cuncunada iti dackel a timec: Maiparbeng daydi Cordero a napapatay idi, nga umawat iti kinapigsa; ti kinabacnang ken ti kinasirib, ken ti pannacabalin, ket ti dayaw ken ti dayag, ken ti bendicion.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.