Paltiing 5:6 - Ti Biblia (1973)

⁶ Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Ti Baro a Naimbag a Damag Biblia

⁶ Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 5:6 Iomraidhean Croise

2 Cronicas 16:9

Ta dagiti mata ni Jehova mapanda nga agsublisubli iti amin a lubong, tapno isu agparang a napigsa a bumadang cadagidiay a ti pusoda napalungdo a maiturong kencuana. Iti daytoy inaramidmo a simamaag; ta manipud ita addanto gubgubatmo.

Daniel 7:14

Ket isu naiccan iti panagturay, ken dayag, ken maysa a pagarian, nga amin dagiti il-ili, nasnacion, ken pagsasao agservida coma kencuana: ti panagturayna agnanayon a panagturay a dinto mapalabas, ket ti pagarianna dinto maduprac.

Daniel 8:3

Idin intangadco dagiti matac, ket nakitac, ket adtoy a nagtacder iti sango ti carayan ti maysa a carnero a lallaki nga adda dua a sarana: ket dagiti dua a sarana nangatoda; ngem ti maysa nangatngato ngem ti sabali, ket daydi nangatngato timmubo a naud-udi.

Mikias 4:13

Bumangonca, ket agtaltagca, O anac a babai ti Sion; ta aramidec ti saram a landoc, ket aramidec dagiti cucom a gambang; ket pisangpisangemto ti adu nga il-ili: ket idatonconto ti samsamda ken Jehova, ket ti sanicuada iti Apo ti amin a lubong.

Habakuk 3:4

Ket ti raniagna cas la iti silaw; Isu adda sinsinamarna nga umay manipud iti imana; Ket adda abbong ti pannacabalinna.

Zacarias 3:9

Ta, adtoy, ti bato nga incabilco iti sango ni Josue; iti maysa a bato adda ti pito a mata: adtoy, siac kitikitacto ti pagkitikitanna, cuna ni Jehova dagiti buybuyot, ket alisecto ti kinadakes daydiay a daga iti maysa laeng nga aldaw.

Zacarias 4:10

Ta siasino ti nanglais iti aldaw dagiti babassit a banbanag? ta dagitoy pito agragsacdanto, ken makitadanto ti tinnag iti ima ni Zorobabel; dagitoy a pito isuda dagiti mata ni Jehova, nga agtaray nga agsursur iti nagtengngaan ti amin a daga.

Numero 7:39

Maysa a bumaro a vaca, maysa a carnero a lalaki maysa a cordero a lalaki nga agtawen iti maysa, a daton a mapuuran;

Numero 7:57

Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, a daton a mapuuran:

San Lucas 1:69

Ket imbayogna ti maysa a sara ti pannangisalacan a maipaay cadatayo Iti balay ni David nga adipenna.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 1:36

Ket kinitana ni Jesus a magmagna ket cunana: Adtoy ti Cordero ti Dios!

Dagiti Aramid 8:32

Ket ti paset ti surat a basbasaenna, isu daytoy: Naipan iti pagpartian a cas la carnero a cabayan; ken cas la urbon ti carnero nga agumel iti sangoanan ti mamukis kencuana, casta a dina luctan ti ngiwatna:

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:3

Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Paltiing 5:11

Ket kimmitaac, ket nangngegco ti timec dagiti adu nga angel iti aglicmut daydi trono ken dagiti parsua a sibibiag ken dagidi lallacay; ket ti bilangda idi linacsa a lacsa ken rinibo a ribo;

Paltiing 5:12

A cuncunada iti dackel a timec: Maiparbeng daydi Cordero a napapatay idi, nga umawat iti kinapigsa; ti kinabacnang ken ti kinasirib, ken ti pannacabalin, ket ti dayaw ken ti dayag, ken ti bendicion.

Paltiing 5:13

Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.

Paltiing 5:14

Ket dagidi uppat a parsua a sibibiag cuncunada idi, Amen. Ket dagidi lallacay nagrucbabda ket nagdaydayawda.

Paltiing 6:16

Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

1 Samuel 2:10

Dagiti makisusic ken Jehova maburburacdanto; sadi langit isu aggurroodto a maibusor cadacuada: ni Jehova ocomennanto dagiti pungpungto ti daga; ket itan-ocnanto ti sara ti sinapsapoanna.