Paltiing 5:5 - Ti Biblia (1973)

⁵ Ket maysa cadagidi lallacay kinunana caniac: Saanca nga agsangit; adtoy ti Leon iti tribu ni Juda, iti ramut ni David, nagbal-laigi tapno bistradenna ti pagbasaan, ken tapno warwarenna dagiti pito a sellona.

Ti Baro a Naimbag a Damag Biblia

⁵ Iti kasta, kinuna kaniak ti maysa kadagiti panglakayen: “Dika agsangit. Kitaem, nagballigi ti Leon a nagtaud iti tribu ti Juda, ti naindaklan a kaputotan ni David, ket naikkan iti kalintegan a mangikkat kadagiti pito a timbre ken mangukrad iti nalukot a pagbasaan.”

Paltiing 5:5 Iomraidhean Croise

1 Ar-ari 10:20

Ken sangapulo ket dua a sinan-leon ti nacatacder idiay rabaw dagiti innem a tucad iti agsumbangir a sikigan: awan naaramid a capadana iti uray sadino a pagarian.

2 Cronicas 9:18

Ket adda idi innem a tuctucad ti trono, agraman maysa a balitoc a pagbatayan ti saca, a naicapetda iti trono, ken im-ima iti agsinnumbangir a sikigan iti pagtugawan, ken dua a sinan-leon a nacatacder iti abay dagiti ima.

Ti Libro ni Job 41:15

Dagiti nalagda a sicsicna isuda dagiti pagtangsitna. Agpunitda a sangsangcatipon a cas iti maysa a naripcan a tanda.

Isaias 11:1

Ket addanto tumaud a maysa a saringit iti puon ni Jesse, ket ti maysa a sanga nga agtaud cadagiti ramutna agbunganto.

Isaias 11:10

Ket maaramidto iti dayta nga aldaw, a ti ramut ni Jesse, a sitatacder nga apaay a maysa a wagayway cadagiti inilin-ili, isu ti sapulento dagiti nasnacion; ket ti paginanaanna nadayagto.

Jeremias 31:16

Castoy ti cuna ni Jehova: Medmedam dayta timecmo iti panagsangit, ken dagita matam cadagiti luluam; ta dayta aramidmo magungunaanto, cuna ni Jehova, ket umaydanto manen manipud iti daga ti cabusor.

Daniel 7:16

Immasidegac iti maysa cadagiti nagtacder idiay, ket sinaludsudco ti pudno a maipapan amin iti daytoy. Iti casta imbagana caniac, ket impacaammona caniac ti catarusan dagiti banbanag.

Numero 24:9

Isu nagrucob, isu cas leon a nagidda, Ken cas maysa a leon a babai; Asino ti mangriingto kencuana? Nagasat coma ti tunggal maysa nga agdaydayaw kenca, Ken mailunod coma tunggal maysa a mangilunod kenca.

San Lucas 23:28

Ngem ni Jesus, idi a timmaliaw cadacuada, kinunana: Babbai nga annac ti Jerusalem, saandac a sangitan, ngem sangitanyo ketdi ti bagiyo met laeng, ken dagiti annacyo.

San Lucas 7:13

Ket idi nakita ti Apo nakipagricna ket kinunana kencuana: Dica agsangit.

San Lucas 8:52

Ket agsangsangitda amin ket dungdung-awanda. Ngem isu kinunana: Dicay agsangit; ta saan a natay, no di ket matmaturog.

San Juan 20:13

Ket cunada kencuana: Babai, apayapay agsangitca? Cunana cadacuada: Agsipud ta iniccatda ditoy ti Apoc, ket diac ammo no adino ti nangicabilanda kencuana.

Taga-Roma 1:3

A maipapan iti Anacna, a nayanac iti capoonan ni David, a mayannurot iti lasag,

Taga-Roma 15:12

Ket cuna ni Isaias manen: Addanto ti ramut ni Jesse, Ken daydiay bumangonto a mangituray cadagiti Gentiles; Ket mangnamnamanto dagiti Gentiles kencuana.

Hebreo 7:14

Ta nalawag a ni Apotayo nagtaud iti Juda, tribu nga awan ti sinao ni Moises a maipapan cadagiti papadi.

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 22:16

Siac ni Jesus imbaonco ti angelco tapno sacsianna cadacayo dagitoy a banbanag cadagiti Iglesia. Siac ti capuonan ken ti caputotan ni David, siac ti naraniag, siac ti baggac.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 4:10

Dagidi duapulo ket uppat a lallacay agparintumengda iti sangoanan daydi adda nga agtutugaw iti trono, ket agrucbabda iti daydiay agbiag iti agnanayon, ket ipurruacda dagiti balbalangatda iti sangoanan di trono, a cuncunada:

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 5:4

Ket siac nagsangsangitac unay ta awan ti nasaracan a maicari a nangbistrad idi a pagbasaan, wenno cumita kencuana:

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 7:13

Ket simmungbat daydi maysa cadagiti lallacay, a cuncunana caniac: Dagitoy a nagcawes cadagiti pagan-anay a puraw, siasinoda, ket sadino ti naggapuanda?