Paltiing 5:2 - Ti Biblia (1973)

² Ket nacakitaac iti maysa nga angel a mannacabalin nga iyawawagna iti dackel a timec: Siasino ti maicari a mangbistrad iti pagbasaan, ken mangwarwar cadagiti sellona?

Ti Baro a Naimbag a Damag Biblia

² Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”

Paltiing 5:2 Iomraidhean Croise

Ti Libro ni Job 41:15

Dagiti nalagda a sicsicna isuda dagiti pagtangsitna. Agpunitda a sangsangcatipon a cas iti maysa a naripcan a tanda.

Dagiti Salmo 103:20

Benditoenyo ni Jehova, dacayo nga angelesna, a mannacabalin iti bileg, a manungtungpal iti saona, a nangtimtimud iti timec ti saona.

Paltiing 10:1

Ket nacakitaac iti sabali nga angel a napigsa a bumabbaba manipud langit, a nabungon ti maysa nga ulep; ket adda idi ti bul-lalayaw iti rabaw ti olona; ket daydi rupana cas la iti init ket dagiti sacsacana cacas da la adigi nga apuy;

Paltiing 18:21

Ket maysa nga angel a napigsa binagcatna ti maysa a bato, a cas la maysa a dackel a bato a gilingan, ket intapuacna iti baybay, a cuncunana; Castoy a babaen ti nacaal-alinget a pannacatnag, marbecto ti Babilonia, daydi dackel a ciudad, ket saanto a masaracanen.

Paltiing 5:1

Ket nakitac iti macanawan daydi agtutugaw iti trono, ti maysa a pagbasaan a nasuratan iti uneg ken iti ruar, ket naselloan cadagiti pito a sello.

Paltiing 5:5

Ket maysa cadagidi lallacay kinunana caniac: Saanca nga agsangit; adtoy ti Leon iti tribu ni Juda, iti ramut ni David, nagbal-laigi tapno bistradenna ti pagbasaan, ken tapno warwarenna dagiti pito a sellona.