Paltiing 5:11 - Ti Biblia (1973)

¹¹ Ket kimmitaac, ket nangngegco ti timec dagiti adu nga angel iti aglicmut daydi trono ken dagiti parsua a sibibiag ken dagidi lallacay; ket ti bilangda idi linacsa a lacsa ken rinibo a ribo;

Ti Baro a Naimbag a Damag Biblia

¹¹ Kimmitaak manen, ket nangngegko ti ragup a timek dagiti rinibu ken riniwriw nga angheles. Linawlawda ti trono, dagiti sibibiag a parsua ken dagiti panglakayen,

Paltiing 5:11 Iomraidhean Croise

1 Ar-ari 22:19

Ket ni Miquias kinunana, Gapuna a denggem ti sao ni Jehova: siac nakitac ni Jehova a situtugaw iti tronona, ket amin ti buyot ti langit sitatacder iti asideg kencuana iti macanawan ken macatigidna.

Dagiti Salmo 103:20

Benditoenyo ni Jehova, dacayo nga angelesna, a mannacabalin iti bileg, a manungtungpal iti saona, a nangtimtimud iti timec ti saona.

Dagiti Salmo 148:2

Idaydayawyo, dacayo amin nga angelna: idaydayawyo, dacayo amin a buybuyotna.

Dagiti Salmo 68:17

Dagiti luglugan ti Dios duapulo ribuda, wen, rinibribu a ribuda: ti Apo adda iti tengngada, cas idiay Sinai, idiay Santuario.

Daniel 7:10

Maysa nga umap-apuy nga ayus timpuar ken rimmuar iti sangona: rinibribu a ribu dagiti nagservi kencuana, ket sangalacsa a lacsa ti nagtatacder iti saclangna: ti panangocom naikeddeng, ket dagiti liblibro naluctanda.

Deuteronomio 33:2

Ket kinunana, ni Jehova naggapu iti Sinai, ket dimmanon cadacuada nanipud Seir; siraraniag nanipud bantay Paran, ket naggapu cadagiti linaclacsa a sasanto: iti imana a canawan maysa a dumardarang a linteg nga agservi cadacuada.

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

San Judas 1:14

Ket cadagitoy met impadto ni Enoc, daydi maicapito nanipud ken Adam, a kinunana: Adtoy nga immay ti Apo, a cuyugen dagiti linaclacsa a sasantona,

Paltiing 19:6

Ket nangegco ti ariwawa ti cas la umariwecwec, ken cas la ungor dagiti adu a dandanum ken ti cas la uni ti napigsa a gurgurood, a cuncunada: Aleluya; ta agari ni Apo Dios, a Mannacabalin-amin.

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 4:6

Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.

Paltiing 5:14

Ket dagidi uppat a parsua a sibibiag cuncunada idi, Amen. Ket dagidi lallacay nagrucbabda ket nagdaydayawda.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 5:8

Ket idi a naalana daydi pagbasaan, dagiti uppat a parsua a sibibiag ken dagidi duapulo ket uppat a lallacay nagrucnoyda, iti sangoanan daydi Cordero, a ti tunggal maysa adda maysa nga arpana, ken malmalocong a balitoc a napno iti incienso, nga isuda dagiti carcararag dagiti sasanto.

Paltiing 7:11

Ket isu-amin dagidi angel addada nga sitatacder iti aglicmut daydi trono ken dagidi lallacay ken dagidi uppat a parsua a sibibiag; ket inrucnoyda dagiti rupada agingga iti baba, iti sangoanan daydi trono, ket nagdaydayawda iti Dios,

Paltiing 9:16

Ket ti bilang dagiti buybuyot dagidi nagcabayo mamindua a sangalacsa a lacsa: nangngegco ti bilangda.