Paltiing 4:9 - Ti Biblia (1973)

⁹ Ket intono dagiti parsua a sibibiag mangtedda iti dayag ken dayaw ken panagyaman iti daydi adda a situtugaw iti trono, isu nga agbiag iti awan inggana.

Ti Baro a Naimbag a Damag Biblia

⁹ Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 4:9 Iomraidhean Croise

Dagiti Salmo 47:8

Ti Dios iturayanna dagiti nasnacion: ti Dios agtugaw iti nasantoan a tronona.

Dagiti Salmo 48:14

Ta daytoy a Dios isu ti Diostayo iti agnanayon awan inggana: isu ti mangiturongto cadatayo uray inggana iti patay.

Exodo 15:18

Ni Jehova agarinto iti agnanayon awan inggana.

Isaias 6:1

Idi tawen nga ipapatay ni ari Uzias nakitac ti Apo a situtugaw iti maysa a trono, a nangato ken natan-oc; ket ti gayadan ti cawesna pinunnona ti templo.

Daniel 12:7

Ket nangngegco ti tao a nagcawes iti lienzo, isu nga adda idi iti ngatoen dagiti dandanum ti carayan, idi intayagna ti canawan ken ti catigid nga imana nga impalangit, ket insapatana iti daydiay agbiag iti agnanayon, a maipaayto iti maysa a pannawen, dagiti panpanawen, ken maysa a cagudua; ket intono naaramiddan ti panungpalan ti pannacaburburac ti pannacabalin ti nasantoan nga ili, amin dagitoy a banbanag malpasdanton.

Daniel 4:34

Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

Deuteronomio 32:40

Ta ingatoc sadi langit ti imac, ket cunac, Idinto nga agnanayon a sibibiagac,

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Hebreo 7:8

Ket ditoy dagiti tattao a matay, umawatda cadagiti apagcapul-lo; ngem idiay maysa, a sacsianda nga sibibiag.

Paltiing 1:18

Ken ti Sibibiag; ket natayac idi, ket adtoy, sibibiagac iti agnanayon nga awan inggana; ket adda caniac dagiti tultulbec ni patay ken ti Hades.

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan:

Paltiing 15:7

Ket maysa cadagidi uppat a parsua a sibibiag intedna cadagidi pito nga angel dagiti pito a malocong a balitoc, a napno iti pungtot ti Dios, isu nga agbiag iti agnanayon.

Paltiing 21:5

Ket daydi situtugaw idi trono kinunana: Adtoy pagbalinec a babbaro dagiti isu-amin a banbanag. Ket kinunana: Isuratmo: ta dagitoy a sasao papatien ken napudnoda.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Paltiing 5:1

Ket nakitac iti macanawan daydi agtutugaw iti trono, ti maysa a pagbasaan a nasuratan iti uneg ken iti ruar, ket naselloan cadagiti pito a sello.

Paltiing 6:16

Ket kinunada cadagiti banbantay ken cadagiti batbato: Agtinnagcayo cadacami, ket ilemmengdacami iti imatang daydiay agtutugaw iti trono, ken iti pungtot daydiay Cordero.

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.