Paltiing 4:8 - Ti Biblia (1973)

⁸ Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

Ti Baro a Naimbag a Damag Biblia

⁸ Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Paltiing 4:8 Iomraidhean Croise

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Dagiti Salmo 91:1

Ti agtaeng iti nalmeng a yan ti Cangatoan agtalinaedto iti masalinongan ti Mannacabalin.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Exodo 3:14

Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel NI SIAC ti nangibaon caniac cadacayo.

Isaias 13:6

Agdung-awcayo; ta ti aldaw ni Jehova dumteng; cas iti pannacadadael nga aggapu iti Mannacabalin-amin umayto.

Isaias 62:1

Gapu iti Sion diacto agtalna, ken gapu iti Jerusalem diacto aginana agingga iti iruruar ti kinalintegna a cas raniag, ken ti pannacaispalna a cas maysa a silaw a dumardarang.

Ezekiel 1:18

No maipapan cadagiti camada, nangatoda ket nacabutbuteng; ket dagiti cama dagiti uppat napnoda cadagiti matmata iti aglicmut.

Ezekiel 1:5

Ket manipud iti tengngana rimmuar ti caasping dagiti uppat a parsua a sibibiag. Ket daytoy idi ti langada: Adda cadacuada ti caasping ti tao;

Ezekiel 1:6

Ket tunggal maysa adda uppat a rupana, ket tunggal maysa cadacuada adda idi uppat a payacna.

Ezekiel 10:12

Ket amin a bagida, ken dagiti bucotda, ken dagiti imada, ken dagiti payacda, ken dagiti pilid, napnoda cadagiti matmata iti aglicmut, dagiti met laeng pilpilid nga adda cadacuada nga uppat.

Joel 1:15

Ay ilala pay ti aldaw! ta asidegen ti aldaw ni Jehova, ket umayto cas pannacadadael nga aggapu iti Mannacabalinamin.

Dagiti Aramid 20:31

Gapuna, agsalucagcayo, a laglagipenyo nga iti bayat ti tal-lo a tawen, saanac a nagsardeng a namagbaga iti tunggal maysa iti rabii ken aldaw, a binuyugan dagiti lulua.

2 Taga-Corinto 6:18

Ket siacto ti Amayo, Ket dacayonto ti annacco a lallaki ken babbai; Cuna ti Apo a Mannacabalin amin.

1 Taga-Tesalonica 2:9

Ta malagipyo, cacabsat, ti bannog ken rigatmi; nga nagtartrabajocami idi iti rabii ken aldaw, tapno dicami agbalin nga awit ti uray siasino cadacayo, incascasabami cadacayo ti evangelio ti Dios.

1 Timoteo 4:16

Saluadam ti bagim ken ti isursurom; agtalinaedca cadagitoy a banag; ta no aramiden daytoy, isalacanmonto ti bagim met laeng ken dagiti met dumngeg kenca.

2 Timoteo 4:2

Nga icascasabam ti sao; umagawaca iti tiempona man ken saanna a tiempo, tumubngarca, mangbabalawca, mamagbagaca, a buyugen ti amin a panaganus ken ti panangisursuro.

Hebreo 13:8

Ni Jesu-Cristo isu met laeng idi calman, ken ita, ken iti agnanayon.

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 11:17

A cuncunada: O Apo Dios a Mannacabalin-amin agiamancam kenca ta addaca ita ket addaca idi, agsipud ta innalam ti dackel a pannacabalinmo ket nagarica.

Paltiing 14:11

Ket ti asuc ti tutuocda agpangpangato iti agnanayon; ket awan ti panaginanada iti aldaw ken rabii dagiti agrucbab iti animal ken iti ladawanna ken uray siasino nga umawat iti marca ti naganna.

Paltiing 14:3

Ket agcancantada ti cas la maysa a canta a baro iti sangoanan ti trono, ken iti sangoanan dagiti uppat a parsua a sibibiag ken dagiti lallacay; ket awan idi ti macabalin a mangadal idi a canta, no di laeng dagidi sangagasut uppat a pulo ket uppat a ribo, isuda a nasubbut itoy daga.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 15:7

Ket maysa cadagidi uppat a parsua a sibibiag intedna cadagidi pito nga angel dagiti pito a malocong a balitoc, a napno iti pungtot ti Dios, isu nga agbiag iti agnanayon.

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 16:7

Ket nangngegco ti timec a naggapu idi altar a cuncunana: Wen, O Apo Dios a Mannacabalin-amin, dagiti panangipatom isuda dagiti napudno ken nalinteg.

Paltiing 19:15

Ket iti ngiwatna rummuar ti maysa a campilan a natadem, tapno pangdunorna cadagiti pagpagarian, ket iturayanna ida babaen ti maysa a sarucod a landoc; ket isu payatenna ti pagpespesan ti kinaunget ti pungtot ti Dios a Mannacabalin-amin.

Paltiing 19:4

Ket dagiti duapulo ket uppat a lallacay ken dagiti uppat a parsua a sibibiag, nagrucbabda ket nagdaydayawda iti Dios, nga adda a nagtugaw iti trono, a cuncunada: Amen; Aleluya.

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 3:7

Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat:

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 4:6

Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.

Paltiing 4:9

Ket intono dagiti parsua a sibibiag mangtedda iti dayag ken dayaw ken panagyaman iti daydi adda a situtugaw iti trono, isu nga agbiag iti awan inggana.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 6:6

Ket nangngegco ti casla maysa a timec iti tengnga dagidi uppat a parsua a sibibiag, a nagcuna: Maysa a casucat ti trigo mapatgan iti maysa a denario ket tal-lo a casucat ti cebada mapatgan iti maysa a denario; ken: Saanmo a dadaelen ti lana ken ti arac.

Paltiing 7:11

Ket isu-amin dagidi angel addada nga sitatacder iti aglicmut daydi trono ken dagidi lallacay ken dagidi uppat a parsua a sibibiag; ket inrucnoyda dagiti rupada agingga iti baba, iti sangoanan daydi trono, ket nagdaydayawda iti Dios,

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.