Paltiing 4:7 - Ti Biblia (1973)

⁷ Ket daydi umuna a parsua umas-asping idi iti maysa a leon; ket daydi maicadua a parsua umas-asping iti maysa nga urbong ti vaca; ket daydi maicatlo a parsua adda rupana a cas la rupa ti maysa a tao, ket daydi maicapat a parsua umas-asping iti maysa nga aguila a tumaytayab.

Ti Baro a Naimbag a Damag Biblia

⁷ Kasla leon ti umuna a sibibiag a parsua; kasla toro a baka ti maikadua; karuprupa ti tao ti maikatlo; ket kasla tumaytayab nga agila ti maikapat.

Paltiing 4:7 Iomraidhean Croise

Genesis 49:9

Ni Juda isu urbon ti maysa a leon; Naggapu iti sinamsam immulica, anacco: Nagrucob, nagidda cas maysa a leon, Ken cas maysa a leon a babai; asino ti macariing kencuana?

2 Samuel 1:23

Ni Saul ken ni Jonatan isuda idi ti naayat ken nacaay-ayo iti panagbiagda, ket iti ipapatayda saanda a nagsina: isuda nasigsiglatda ngem cadagiti aguila, isuda napigpigsa idi ngem cadagiti leon.

Dagiti Proverbio 28:2

Gapu iti kinasalungasing ti daga adu dagiti agturayna; ngem gapu cadagiti tao nga addaan pannacaawat ken pannacaammo ti casasaadna agnanayonto.

Isaias 40:31

Ngem dagiti agpannuray ken ni Jehova pabaroendanto ti pigsada; agpangatodanto a sipapayac a cas la aguila; agtaraydanto, ket dida mabannog; magnadanto, ket dida agcapuy.

Ezekiel 1:10

No maipapan iti langa dagiti rupada, adda idi cadacuada rupa ti tao; ket isuda nga uppat adda idi rupa ti maysa a leon iti makincanawan; ket isuda nga uppat adda idi ti rupa ti vaca iti makincatigid; ket isuda nga uppat adda met idi ti rupa ti maysa nga aguila.

Ezekiel 1:8

Ket addaanda cadagiti im-ima ti tao iti baba dagiti payacda iti uppat a sikiganda; ket isuda nga uppat adda dagiti rupada ken dagiti payacda a castoy:

Ezekiel 10:14

Ket tunggal maysa adda idi uppat a rupana: ti umuna a rupa rupa ti kerubin, ket ti maicadua a rupa rupa ti tao, ket ti maicatlo rupa ti leon, ket ti maicapat rupa ti aguila.

Ezekiel 10:21

Tunggal maysa adda uppat a rupana, ket tunggal maysa uppat dagiti payacna; ket ti caasping ti ima ti tao adda idi iti baba dagiti payacda.

Daniel 7:4

Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Obadias 1:4

Nupay addaca a mangalalimpatoc a cas aguila ken nupay ti umucmo maisaad cadagiti bitwen, itinnagcanto manipud idiay cuna ni Jehova.

Numero 23:24

Adtoy, ti ili tumacder cas maysa a leon a babai, Ket itacderna ti bagina cas leon a lalaki: Isu dinto agpasag inggana iti di mangan iti samsam, Ken uminum iti dara ti napatay.

Numero 24:9

Isu nagrucob, isu cas leon a nagidda, Ken cas maysa a leon a babai; Asino ti mangriingto kencuana? Nagasat coma ti tunggal maysa nga agdaydayaw kenca, Ken mailunod coma tunggal maysa a mangilunod kenca.

1 Taga-Corinto 14:20

Cacabsat, saancay nga agub-ubingan iti isip; ngem iti kinadakes cas cay la coma ubbing, ngem iti panagisisip cacas cay coma tao a nataenganen.

Deuteronomio 28:49

Ni Jehova yegnanto a bumusor kenca ti maysa a nacion nga adda iti adayo, manipud iti pungto ti daga, a cas panagtayab ti aguila; maysa a nacion a dicanto maawat ti pagsasaona;

Paltiing 4:6

Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.

Paltiing 6:3

Ket idi a linuctanna daydi maicadua a sello, nangngegco daydi maicadua a parsua a sibibiag a nagcuna, Umayca.

Paltiing 6:5

Ket idi linuctanna daydi maicatlo a sello, nangngegco daydi maicatlo a parsua a sibibiag a nagcuna: Umayca. Ket kimmitaac, ket adtoy, ti maysa a cabayo a nangisit; ket daydi adda a nagsacay kencuana, adda maysa a pagtimbengan iti imana.

Paltiing 6:7

Ket idi linucatanna daydi maicapat a sello, nangngegco ti timec daydi maicapat a parsua a sibibiag, a nagcuna, Umayca.