Paltiing 4:6 - Ti Biblia (1973)

⁶ Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.

Ti Baro a Naimbag a Damag Biblia

⁶ Adda pay iti sangoanan ti trono ti kasla baybay a sarming, nalitnaw a kasla kristal. Iti aglikmut ti trono, adda uppat a sibibiag a parsua a mata amin ti sango ken likudda.

Paltiing 4:6 Iomraidhean Croise

1 Ar-ari 7:23

Ket isu nangaramid iti maysa a sinocog a baybay a sangapulo a sico iti ngarab ken ngarab, a nagbucbukel ti panaglicmutna, ket ti catayagna lima a sico; ken maysa a tali a tallopulo a sico ti nailawlaw iti agliclicmut.

Ti Libro ni Job 28:17

Balitoc ken sarming dida pumadpad kencuana, saan met a masucatan gapu cadagiti alajas a ginuguran a balitoc.

Exodo 38:8

Ket nangaramid iti pagbuggoan a suer, ken ti puonna a suer, inaramidna dagiti nacalupcupan ti suer a sarming dagiti babbai a naguummong a nagaywan iti ruangan ti tolda ti gimong.

Ezekiel 10:12

Ket amin a bagida, ken dagiti bucotda, ken dagiti imada, ken dagiti payacda, ken dagiti pilid, napnoda cadagiti matmata iti aglicmut, dagiti met laeng pilpilid nga adda cadacuada nga uppat.

Ezekiel 10:14

Ket tunggal maysa adda idi uppat a rupana: ti umuna a rupa rupa ti kerubin, ket ti maicadua a rupa rupa ti tao, ket ti maicatlo rupa ti leon, ket ti maicapat rupa ti aguila.

Paltiing 14:3

Ket agcancantada ti cas la maysa a canta a baro iti sangoanan ti trono, ken iti sangoanan dagiti uppat a parsua a sibibiag ken dagiti lallacay; ket awan idi ti macabalin a mangadal idi a canta, no di laeng dagidi sangagasut uppat a pulo ket uppat a ribo, isuda a nasubbut itoy daga.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 15:7

Ket maysa cadagidi uppat a parsua a sibibiag intedna cadagidi pito nga angel dagiti pito a malocong a balitoc, a napno iti pungtot ti Dios, isu nga agbiag iti agnanayon.

Paltiing 19:4

Ket dagiti duapulo ket uppat a lallacay ken dagiti uppat a parsua a sibibiag, nagrucbabda ket nagdaydayawda iti Dios, nga adda a nagtugaw iti trono, a cuncunada: Amen; Aleluya.

Paltiing 21:11

Isu nga addaan ti dayag ti Dios: ti raniagna umas-asping iti maysa a bato a napateg unay, cas bato a jaspe, aganinaw a cas la cristal:

Paltiing 21:18

Ket daydi naaramat iti bacudna jaspe; ket daydi ciudad balitoc a pulpulos a cas iti pulpulos a sarming.

Paltiing 21:21

Ket dagidi sangapulo ket dua a ruangan perlasda: tunggal maysa cadagiti ruangan maymaysa a perlas ket ti calzada daydi ciudad balitoc a pulpulos, nga aganinaw a cas la cristal.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 5:11

Ket kimmitaac, ket nangngegco ti timec dagiti adu nga angel iti aglicmut daydi trono ken dagiti parsua a sibibiag ken dagidi lallacay; ket ti bilangda idi linacsa a lacsa ken rinibo a ribo;

Paltiing 5:14

Ket dagidi uppat a parsua a sibibiag cuncunada idi, Amen. Ket dagidi lallacay nagrucbabda ket nagdaydayawda.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 5:8

Ket idi a naalana daydi pagbasaan, dagiti uppat a parsua a sibibiag ken dagidi duapulo ket uppat a lallacay nagrucnoyda, iti sangoanan daydi Cordero, a ti tunggal maysa adda maysa nga arpana, ken malmalocong a balitoc a napno iti incienso, nga isuda dagiti carcararag dagiti sasanto.

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 6:6

Ket nangngegco ti casla maysa a timec iti tengnga dagidi uppat a parsua a sibibiag, a nagcuna: Maysa a casucat ti trigo mapatgan iti maysa a denario ket tal-lo a casucat ti cebada mapatgan iti maysa a denario; ken: Saanmo a dadaelen ti lana ken ti arac.

Paltiing 7:11

Ket isu-amin dagidi angel addada nga sitatacder iti aglicmut daydi trono ken dagidi lallacay ken dagidi uppat a parsua a sibibiag; ket inrucnoyda dagiti rupada agingga iti baba, iti sangoanan daydi trono, ket nagdaydayawda iti Dios,

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.