Paltiing 4:10 - Ti Biblia (1973)

¹⁰ Dagidi duapulo ket uppat a lallacay agparintumengda iti sangoanan daydi adda nga agtutugaw iti trono, ket agrucbabda iti daydiay agbiag iti agnanayon, ket ipurruacda dagiti balbalangatda iti sangoanan di trono, a cuncunada:

Ti Baro a Naimbag a Damag Biblia

¹⁰ agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 4:10 Iomraidhean Croise

1 Cronicas 29:20

Ket ni David kinunana iti amin a gimong, Ita benditoenyo ni Jehova a Diosyo. Ket binendito ti amin a gimong ni Jehova, a Dios dagiti ammada, ket inculobda dagiti ol-oloda, ket nagrucbabda ken Jehovam ken iti ari.

2 Cronicas 7:3

Ket amin nga annac ti Israel kimmitada, idi bimmaba ti apuy, ket ti dayag ni Jehova adda iti balay; ket inrucnoyda dagiti ruprupada agingga iti baba iti rabaw ti pagpayatan a nabaldosaan, ket nagrucbabda, ket nagyamanda ken Jehova, a kinunada, Ta isu naimbag, ta ti kinamanangngaasina agpaut iti agnanayon.

Ti Libro ni Job 1:20

Idin ni Job timmacder, ket rinay-abna ti lambonna, ket kiniskisanna ti olona, ket nagpasag iti daga, ket nagcararag;

Dagiti Salmo 115:1

Saan a cadacami, O Jehova, saan a cadacami, no di ket ita naganmo ti pangtedam iti dayag, gapu iti kinamanagayatmo, ken gapu iti pateg ti kinapudnom.

Dagiti Salmo 47:8

Ti Dios iturayanna dagiti nasnacion: ti Dios agtugaw iti nasantoan a tronona.

Dagiti Salmo 72:11

Wen, amin nga ar-ari agrucbabdanto iti saclangna; amin a nasnacion agservidanto kencuana.

Dagiti Salmo 95:6

O umaycayo, agdaydayawtayo ken agrucnoytayo; agparintumengtayo iti saclang ni Jehova a nangaramid cadatayo:

Isaias 6:1

Idi tawen nga ipapatay ni ari Uzias nakitac ti Apo a situtugaw iti maysa a trono, a nangato ken natan-oc; ket ti gayadan ti cawesna pinunnona ti templo.

Daniel 12:7

Ket nangngegco ti tao a nagcawes iti lienzo, isu nga adda idi iti ngatoen dagiti dandanum ti carayan, idi intayagna ti canawan ken ti catigid nga imana nga impalangit, ket insapatana iti daydiay agbiag iti agnanayon, a maipaayto iti maysa a pannawen, dagiti panpanawen, ken maysa a cagudua; ket intono naaramiddan ti panungpalan ti pannacaburburac ti pannacabalin ti nasantoan nga ili, amin dagitoy a banbanag malpasdanton.

Daniel 4:34

Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

San Mateo 2:11

Ket idi simrecda iti balay, nasaracanda ti ubing ken ni Maria nga inana; ket nagrucbabda, nagdaydayawda kencuana; ket linucatanda dagiti gupgupitda, indatonda kencuana dagiti sagsagutda a balitoc ken incienso ken mirra.

San Lucas 24:52

Ket isuda, iti calpasan ti panagdayawda kencuana, nagsublida idiay Jerusalem a siraragsac unay:

1 Taga-Corinto 15:10

Ngem gapu iti parabur ti Dios addaac iti casasaadco; ket ti paraburna caniac, saan a nagbalin nga awan capapay-anna; no di ket nagbannogac iti ad-adu ngem cadacuada amin; ngem saan a siac no di ti parabur ti Dios a kinaduac.

Deuteronomio 32:40

Ta ingatoc sadi langit ti imac, ket cunac, Idinto nga agnanayon a sibibiagac,

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan:

Paltiing 11:16

Ket dagiti duapulo ket uppat a lallacay nga situtugaw cadagiti tronoda iti sangoanan ti Dios, nagrucnoyda agingga iti baba ket nagdaydayawda iti Dios,

Paltiing 15:4

Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 15:7

Ket maysa cadagidi uppat a parsua a sibibiag intedna cadagidi pito nga angel dagiti pito a malocong a balitoc, a napno iti pungtot ti Dios, isu nga agbiag iti agnanayon.

Paltiing 19:4

Ket dagiti duapulo ket uppat a lallacay ken dagiti uppat a parsua a sibibiag, nagrucbabda ket nagdaydayawda iti Dios, nga adda a nagtugaw iti trono, a cuncunada: Amen; Aleluya.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 4:9

Ket intono dagiti parsua a sibibiag mangtedda iti dayag ken dayaw ken panagyaman iti daydi adda a situtugaw iti trono, isu nga agbiag iti awan inggana.

Paltiing 5:14

Ket dagidi uppat a parsua a sibibiag cuncunada idi, Amen. Ket dagidi lallacay nagrucbabda ket nagdaydayawda.

Paltiing 5:8

Ket idi a naalana daydi pagbasaan, dagiti uppat a parsua a sibibiag ken dagidi duapulo ket uppat a lallacay nagrucnoyda, iti sangoanan daydi Cordero, a ti tunggal maysa adda maysa nga arpana, ken malmalocong a balitoc a napno iti incienso, nga isuda dagiti carcararag dagiti sasanto.

Paltiing 7:11

Ket isu-amin dagidi angel addada nga sitatacder iti aglicmut daydi trono ken dagidi lallacay ken dagidi uppat a parsua a sibibiag; ket inrucnoyda dagiti rupada agingga iti baba, iti sangoanan daydi trono, ket nagdaydayawda iti Dios,