Paltiing 3:9 - Ti Biblia (1973)

⁹ Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

Ti Baro a Naimbag a Damag Biblia

⁹ Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.

Paltiing 3:9 Iomraidhean Croise

Ester 8:17

Ket iti tunggal provincia, ken iti tunggal ili, a dimtengan ti bilin ti ari ken pangngeddengna, dagiti Judios addaanda idi iti ragsac ken rag-o, maysa a fiesta ken maysa a naimbag nga aldaw. Ket adu a naggapuda iti tengnga dagiti umili nagbalinda a Judios; ta ti panagbuteng cadagiti Judios nagtinnag cadacuada.

Exodo 11:8

Ket amin dagitoy nga ad-adipenmo bumabadanto, ken agrucbabdanto caniac a cunada, Pumanawca, ken amin dagiti tattao nga sumurot kenca: ket iti calpasan, daytoy pumanawacto. Ket pimmanaw a sibabara ti pungtotna iti sango ni Faraon.

Isaias 43:4

Agsipud ta napategca idi iti imatangco, ken madaydayaw, ket dinungdungngoca; gapuna nga itedconto dagiti tattao a sucatmo, ken dagiti il-ili a sumandi iti biagmo.

Isaias 45:14

Castoy ti cuna ni Jehova, Ti aramid ti Egipto, ken ti tagilaco ti Etiopia, ken Sabeos, tattao a natayag, umaydanto kenca, ket cucuamto ida: sumurotdanto kenca; umaydanto a sicacawar; ket agrucbabdanto kenca, agcararagdanto kenca, a cunada, Agpayso nga adda kenca ti Dios; ket awanen ti sabali, awan ti sabali a Dios.

Isaias 49:23

Ket dagiti ar-ari isudanto dagiti mangsisiwa nga ammam, ket dagiti reina mangsisiwa nga innam: ket isuda irucbabdanto nga irucnoy iti daga dagiti ruprupada kenca, ken dilpatandanto ti tapoc dagita sacsacam; ket maammoamto a siac ni Jehova; ket dagiti agpannuray caniac saandanto a mabainan.

Isaias 60:14

Ket dagiti annac a lallaki dagidiay a namaladingit kenca umaydanto a sirurucnoy kenca, ket amin dagiti nanguyuyaw kenca agrucnoydanto cadagiti dapanmo; ket naganendacanto Ti Ili ni Jehova, Ti Sion ti Santo ti Israel.

San Juan 17:23

Siac cadacuada, ket sica caniac, tapno agmaymaysada nga awan pagcuranganna coma; ket ti lubong maammoanna coma a sica imbaonnac, ket inayatmo ida a cas met iti panangayatmo caniac.

Paltiing 2:9

Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.

1 Samuel 2:36

Ket maaramidto, a tunggal maysa a mabaybay-an iti balaymo umayto ken agtamedto kencuana gapu iti sangcapisi a pirac ken sangabukel a tinapay, ken cunananto, Dawatec kenca, icabilnac, iti maysa cadagiti annong dagiti papadi, tapno macacaanac coma iti sangcapisi ti tinapay.