Paltiing 3:5 - Ti Biblia (1973)

⁵ Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.

Ti Baro a Naimbag a Damag Biblia

⁵ Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.

Paltiing 3:5 Iomraidhean Croise

Dagiti Salmo 109:13

Magudas coma ti inaudina; iti sumaganad a caputotan mapunas coma ti naganda.

Dagiti Salmo 69:28

Mapunasda coma iti libro ti biag, ket saanda a mailista cadagiti nalinteg.

Malakias 3:17

Ket isuda cucuacto ida, cuna ni Jehova dagiti buybuyot, cucuac met laeng, iti aldaw nga aramidecto; ket igagacto ida a cas iti panangigaga ti tao iti anacna met laeng nga agservi kencuana.

San Mateo 10:32

Tunggal maysa ngarud, a mangipaduyacyac caniac iti sangoanan dagiti tao, isu ipaduyacyacconto met iti sangoanan ni Amac nga adda sadi langit.

San Lucas 10:20

Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

San Lucas 12:8

Ket cunac cadacayo nga isu-amin a mangipaduyacyac caniac iti sangoanan dagiti tao, ti Anac ti tao ipaduyacyacnanto met iti sangoanan dagiti angel ti Dios;

Deuteronomio 9:14

Bay-annac tapno dadaelec ida, ket punasec ti naganda iti babaen ti langit; ket aramidencanto a maysa a nacion a manmannacabalin ken dacdackel ngem isuda.

Taga-Filipos 4:3

Ket dawatec kenca met, matalec a catulongan, a tulungam coma dagitoy a babbai, isuda a nakipagbannog caniac iti evangelio, agraman met ken Clemente, ken cadagiti dadduma pay a catulongac, a dagiti nagnaganda addada iti libro ti biag.

San Judas 1:24

Ket iti daydiay mannacabalin a mangigaga cadacayo iti pannacaitibcolyo, ken mangidatag cadacayo nga awan pakapilawanyo iti sangoanan ti dayagna a buyugen ti naglaus a rag-o.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 19:8

Ket naipaay kencuana ti panagcawesna iti lupot a nalapat ken puraw, nasileng ken natarnaw: ta ti lupot a nalapat a puraw isu dagiti aramid a nalinteg dagiti sasanto.

Paltiing 2:11

Ti adda pagdengngegna, denggenna coma ti cuna ti Espiritu cadagiti Iglesia. Ti agbal-liginto, saanto a maranggasan iti ipapatay a maicadua.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 20:12

Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.

Paltiing 3:12

Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Paltiing 3:4

Ngem adda kenca sumagmamano a nagnagan dita Sardis a dida rinugitan dagiti pagananayda; ket dagitoy makicuyogdanto caniac nga agcawesda iti puraw; ta isuda dagiti maicari.

Paltiing 6:11

Ket naited iti tunggal maysa cadacuada ti maysa a pagananay a puraw; ket naibaga cadacuada nga aginanada pay iti bassit a pannawen agingga iti maturpos ti dalan dagiti caduada met nga adipen, ken dagiti cacabsatda, a mapapataydanto a cas met cadacuada idi.

1 Samuel 17:25

Ket dagiti tattao ti Israel kinunada, Nakitayo daytoy lalaki a sumang-at? pudno a ti panangcaritna. Iti Israel isu ti sang-atanna: ket castoyto, a ti lalaki a mangpatay kencuana, ti ari pabacnangennanto daydiay cadagiti naruay a sanicua, ken iyasawananto kencuana ti anacna a babai, ken pagwayawayaennanto ti balay ni amana iti Israel.