Paltiing 3:21 - Ti Biblia (1973)

²¹ Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Ti Baro a Naimbag a Damag Biblia

²¹ “Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.

Paltiing 3:21 Iomraidhean Croise

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 25:21

Ni apona kinunana kencuana: Naimbag, adipen a nalaing ken mapagtalcan; napagtalcanca iti bassit, isaadcanto nga agaywan iti adu; makipagragsacca iti Apom.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

San Juan 13:32

No ti Dios maidaydayaw kencuana casta met ti Dios idaydayawnanto kencuana met laeng, ket idaydayawnanto a dagus.

San Juan 16:33

Dagitoy insaoc idi cadacayo, tapno adda coma talnayo caniac: ditoy lubong addanto rigatyo: ngem manginanamacayo, siac pinarmecco ti lubong.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Paltiing 1:6

Ket pinagbalinnatayo a maysa a pagarian ken papadi a maipaay iti Dios ken Amana, adda coma kencuana ti dayaw ken ti panagturay iti agnanayon nga awan inggana, Amen.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 20:4

Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Paltiing 20:6

Nagasat ken santo ti mairaman iti panagungar nga umuna: cadacuada awan pannacabalin ti maicadua nga ipapatay; no di ket isudanto dagiti papadi ti Dios ken ni Cristo, ket makipagaridanto kencuana bayat ti sangaribo a tawen.

Paltiing 5:10

Ket pinagbalinmo ida a maipaay iti Diostayo a pagarian ken papadi; ket agarida iti rabaw ti daga.

Paltiing 6:2

Ket kimmitaac, ket adtoy, ti maysa a cabayo a puraw; ket daydi adda a sisasacay kencuana, adda idi maysa a bai ti panana, ket naited kencuana ti maysa a balangat; ket rimmuar a sibabal-ligi, ken tapno agbal-ligi.

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.