Paltiing 3:2 - Ti Biblia (1973)

² Agsalucagca, ket pasingkedam dagiti banag a natda pay, isuda a nganngani natay; ta cadagiti ar-aramidmo awan ti nasaracac a nasayaat unay iti sangoanan ti Diosco.

Ti Baro a Naimbag a Damag Biblia

² Isut' gapuna nga agriingka ket papigsaem ti adda pay kenka sakbay a matayka a mamimpinsan. Ta masarakak nga adda pay la pagkurangan dagiti inar-aramidmo iti imatang ti Diosko.

Paltiing 3:2 Iomraidhean Croise

1 Ar-ari 11:4

Ta naaramid, idi a ni Salomon lacayen, a dagiti assawana pinagsublida ti pusona a pinasurot cadagiti sabali a didios; ket ti pusona saan a nasin-aw ken Jehova a Diosna, a cas iti puso idi ni David nga amana.

1 Ar-ari 15:3

Ket isu nagna cadagiti amin a basbasol ni amana, nga inaramidna idi casacbayanna; ket ti pusona saan a naimbag ken Jehova a Diosna, a cas ti puso ni David nga amana.

2 Cronicas 25:2

Ket inaramidna daydi a nalinteg cadagiti mata ni Jehova, ngem saan nga iti napalongdoan a puso.

Ti Libro ni Job 16:5

Ngem papigsaencayo coma iti ngiwatco, ket ti pangliwliwa dagiti bibgco bang-aranna coma ti tuocyo.

Isaias 35:3

Patibkerenyo dagiti napacsuyan nga im-ima, ket pakirdenyo dagiti nacapuy a tumtumeng.

Isaias 56:10

Dagiti pagwanawanenna bulsecda, isuda amin awananda iti pannacaammo; isuda amin as-asoda nga umel; dida mabalin ti agtaol; agtagtagainepda, agiddada, ayatenda ti agdungsa.

Isaias 57:12

Ipalawagconto ti kinalintegmo; ket no maipapan cadagiti ar-aramidmo, isuda saandanto a macagunguna kenca.

Ezekiel 34:16

Sapulecto daydiay napucaw, ket iyawidconto daydiay napapanaw, ket bedbedacto daydiay nabungtol, ket papigsaecto daydiay masakit: ngem ti nalucmeg ken ti napigsa pucawecto; taraonacto ida iti naincalintegan.

Daniel 5:27

Tekel; nacatican iti timbengan, ket nasaracanca a nagcurang.

Zacarias 11:16

Ta, adtoy, bangonecto ti maysa a pastor iti daga, isu a dinto sumarungcar cadagidiay nadadael, dinto met agbiruc cadagidiay maiwara, saan met a mangagas cadagidiay nadunor, saan met a mangipaarab cadagidiay nacaradcad; no di ket sidaennanto ti lasag ti nalucmeg a carnero ken pisangennanto dagiti cucodna.

San Mateo 23:5

Ngem amin dagiti aramidda aramidenda, tapno makita dagiti tao, ta yacabada dagiti filacteria ket iyatiddugda dagiti barayubay dagiti pagananayda,

San Mateo 25:13

Agsalucagcay ngarud, ta dicay ammo ti aldaw ken horas.

San Mateo 25:7

Idin amin dagiti babbalasang timmacderda ket tinarimaanda dagiti pagsilawanda.

Dagiti Aramid 18:23

Ket idi a nagnaed idiay iti sumagmamano nga aldaw, pimmanaw a pinagnana a nagsasaganad ti provincia ti Galacia ken ti Frigia a pinatalgedanna dagiti amin nga adalan.

Deuteronomio 3:28

Ngem ibilinmo ken Josue, ket paing-elem, ken papigsaem: ta isu ti mapanto iti sangoanan daytoy nga ili, ket isu ti mangpatawidto cadacuada ti daga a makitamto.

1 Pedro 4:7

Ngem ti tungpal dagiti isu-amin a banag asidegen; agparbengcay ngarud ken agsalucagcayo iti cararag:

1 Pedro 5:8

Agparbengcayo, agsalucagcayo; ti diablo a cabusoryo, cas la leon a ngumerngernger, magmagna iti sibayyo nga agsapsapul ti alun-unenna.

Paltiing 16:15

(Adtoy, siac umayac a cas la mannanacaw. Nagasat daydiay agsalucag ket aywananna dagiti pagan-anayna; di la ket magna a silalamolamo, ket makitada ti ibainna.)

Paltiing 2:4

Ngem adda bassit busurec kenca, ta pinanawam daydi immuna nga ayatmo.

Paltiing 3:1

Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Paltiing 3:3

Lagipem ngarud no casano ti panangawat ken panagdengngegmo; ket aywanam, ket agbabawica. No saancanto ngarud nga agsalucag, umayacto a cas la mannanacaw, ket dicanto ammo no ania nga horas ti iyaayco kenca.