Paltiing 3:12 - Ti Biblia (1973)

¹² Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Ti Baro a Naimbag a Damag Biblia

¹² “Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 3:12 Iomraidhean Croise

1 Ar-ari 7:21

Ket isu pinatacderna dagiti ad-adigi iti balcon ti templo: ket isu pinatacderna ti akincanawan nga adigi, ket ginaladanna iti nagan a Jaquin; ket isu pinatacderna ti akincatigid nga adigi ket ginaladanna iti nagan a Boaz.

Dagiti Salmo 46:4

Adda maysa a carayan a dagiti ayusna paragsakenda ti ili ti Dios, ti nasantoan a yan dagiti tabernaculo ti Cangatoan.

Dagiti Salmo 48:8

Cas nangngegmi, casta ti nakitami, Iti ili ni Jehova dagiti buybuyot, iti ili ti Diostayo: ti Dios pasingkedannanto nga agnanayon. (Selah)

Dagiti Salmo 87:3

Nadayag a banbanag dagiti panangsarsaritada kenca, O ili ti Dios. (Selah)

Isaias 62:2

Ket dagiti nasnacion makitadanto ta kinalintegmo, ken amin nga ar-ari dayta dayagmo; ket sica managanancanto iti baro a nagan, nga inagananto ti ngiwat ni Jehova.

Isaias 65:15

Ket ibatiyonto ti naganyo a maysa a lunod iti pinilic; ket ni Apo Jehova papatayennacanto; ken naganennanto dagiti ad-adipenna iti sabali a nagan:

Jeremias 1:18

Ta adtoy, impasdecca iti daytoy nga aldaw a cas la ciudad a nasarikedkedan, ken cas la adigi a landoc, ken cas la bacud a gambang a maibusor iti isu-amin a daga, a maibusor cadagiti ar-ari ti Juda, a maibusor cadagiti principena, a maibusor cadagiti papadina, ken maibusor cadagiti tattao ti daga.

Ezekiel 40:49

Ti caatiddug ti balcon duapulo a sico, ket ti caacabana sangapulo ket maysa a sico; iti met laeng arpad dagiti tucad a pagulian kencuana: ket adda idi monmon iti arpad dagiti adigi, maysa iti daytoy a sikigan, ken sabali iti dayta a sikigan.

Ezekiel 48:35

Sangapulonto ket walo a ribu a runo iti aglicmut: ket ti naganto ti ili manipud iti daydiay nga aldaw, Ni Jehova adda dita.

San Marcos 12:16

Ket idi inyeganda, cunana cadacuada: Siasino ti akinladawan itoy, ken ania ti naisurat? Ket kinunada kencuana: Ni Cesar.

Taga-Galacia 2:9

Ket idinto a da Santiago, Cefas ken Juan, isuda a maibilang nga adigi makitada ti parabur a naited caniac intedda caniac ken ni Bernabe ti ima a macanawan a cas tanda ti pannakicadcadua, tapno mapancami cadagiti Gentil, ket mapanda iti pannacacugit;

Taga-Efeso 3:15

Isu a pangalaan ti nagan ti amin a sangacabbalayan idiay langit ken ditoy daga,

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

Hebreo 13:14

Ta awan ti pagiliantayo ditoy a mataginayon, ngem tarigagayantayo ti mapasungad.

1 Juan 4:4

Dacayo tattaonacayo ti Dios, annacco a dongdongngoen, ket inabacyo ida; ta dacdackel daydiay adda cadacayo, ngem ti adda iti lubong.

Paltiing 14:1

Ket kimmitaac, ket adtoy ti Cordero agtatacder iti rabaw ti bantay Sion, ket naicuyogda kencuana dagiti sangagasut uppat a pulo ket uppat a ribo, nga addaan iti naganna ken ti nagan ni Amana, a naisurat cadagiti mugmugingda.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 2:11

Ti adda pagdengngegna, denggenna coma ti cuna ti Espiritu cadagiti Iglesia. Ti agbal-liginto, saanto a maranggasan iti ipapatay a maicadua.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 21:2

Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Paltiing 22:4

Ket makitadanto ti rupana, ket ti naganna addanto cadagiti mugmugingda.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.