Paltiing 3:10 - Ti Biblia (1973)

¹⁰ Gapu ta sinalimetmetam ti saoc a kinaanos, siac igagacanto met iti horas ti pannacasuut isu nga umayto iti isu-amin a lubong a natao-an, tapno masuut dagiti agnaed iti rabaw ti daga.

Ti Baro a Naimbag a Damag Biblia

¹⁰ Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:10 Iomraidhean Croise

Isaias 24:17

Ti buteng, ken ti dariwangwang, ken ti silo, naiparabawda kenca, O agnaed iti daga.

Daniel 12:10

Adu dagiti aggugorto cadagiti bagbagida met laeng, ken papudawenda dagiti bagbagida met laeng, ket madalusanda; ngem dagiti managdacdakes agaramiddanto a sidadangkes; ket awan cadagiti managdacdakes ti macaawat; ngem dagidiay mamasirib maawatandanto.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

San Mateo 24:14

Ket daytoy evangelio ti pagarian maicascasabanto iti amin a lubong tapno mangpanecnec cadagiti isu-amin a nacion; ket iti casta umayton ti panungpalan.

San Mateo 26:41

Agpuyatcayo ken agcararagcayo, tapno dicay sumrec iti pannacasulisog; pudno a ti nakem adda a sireregta ngem ti lasag nacapuy.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

San Marcos 14:9

Pudno cunac cadacayo nga uray sadino a pacaicascasabaanto ti evangelio iti isu-amin a lubong, idiay masaritanto met ti inaramid daytoy a babai tapno pacalaglagipan kencuana.

San Lucas 2:1

Ket napasamac cadagidi nga aldaw a naiwarragawag ti bilin ni Augusto Cesar, nga amin a lubong maipadron.

San Juan 17:6

Impalawagco ti naganmo cadagiti tao nga intedmo caniac, itoy lubong: cucuam ida idi ket intedmo ida caniac, ket sinalimetmetanda ti saom.

Taga-Roma 1:8

Umuna unay, agyamanac iti Diosco gapu ken Jesu-Cristo, maipoon cadacayo amin, agsipud ta ti pammatiyo naipaduyacyaken iti amin a lubong.

1 Taga-Corinto 10:13

Saan nga immay cadacayo ti uray ania a pannacasulisog a di met simro cadagiti isu-amin a tattao: ngem ti Dios mapagtalcan isu a dinto mangipalubos a masulisogcayo iti aglabes iti mabalinanyo; no di ket, maigiddanto iti pannacasulisog, isaganananto met ti dalan a paglissian, tapno mabalinyo a pagballigian.

Taga-Efeso 6:13

Gapuna, alaenyo ti amin a cabal a nadiosan, tapno mabalinyo ti sumarikedked inton dakes nga aldaw, ket inton naisaganayon amin, addacayo a sititibker.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Santiago 3:12

Mabalin aya, cacabsatco, ti higos a patauden ti olivas, wenno ti uvas, higos? Di met mabalin ti apgad a patauden ti danum a nasam-it.

1 Pedro 4:12

Ay-ayatec, dicay panunuten a nacascasdaaw dagiti nabara a rigrigat a maar-aramid cadacayo nga umay mangsuut cadacayo, a cas la adda maysa a banag a nacascasdaaw a mapasamac cadacayo:

2 Pedro 2:9

Ti Apo ammona nga isalacan dagiti nasingpet iti pannacasulisogda ken aywanan dagiti managdacdakes a maipaay iti pannacadusa, iti aldaw ti pannacaocom;

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 11:10

Ket dagiti agnaed ditoy daga agragragoda maipuon cadacuada ket agrarambacda; ket agsisinnagutda; ta dagiti dua a mammadto pinarigatda dagiti agnaed ditoy daga.

Paltiing 13:10

No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 14:12

Daytoy ti kinaanus dagiti sasanto, nga salimetmetanda dagiti bilbilin ti Dios, ken ti pammati ken Jesus.

Paltiing 14:6

Ket nacakitaac ti sabali nga angel a tumaytayab iti tangatang, nga adda ipacaammona a naimbag a damag nga agnanayon cadagiti agnaed iti rabaw ti daga, ken cadagiti amin a pagpagarian ken capututan, ken pagsasao ken ilili.

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 2:10

Dica cabuteng dagiti banbanag nga inca lac-amen: Adtoy, ti diablo mapanna ipisoc iti pagbaludan dagiti dadduma cadacayo, tapno masuutcayo; ket addanto rigatyo bayat ti sangapulo nga aldaw. Agtalgedca agingga ken patay, ket itdecto kenca ti balangat ti biag.

Paltiing 3:8

Siac ammoc dagiti ar-aramidmo: (adtoy, incabilco iti sangoanam ti maysa a ruangan a silulucat, isu nga awan ti macairikepto; ta adda bassit a pannacabalinmo, ket sinalimetmetam ti saoc, ket dica naglibacan ti naganco.

Paltiing 6:10

Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?

Paltiing 8:13

Ket nakitac ken nangngegco ti maysa nga aguila nga agtaytayab iti nagtangatangan, a cuncunana iti dackel a timec: Ay, ay, ay pay dagiti agnaed iti rabaw ti daga, maipuon cadagiti sabali nga uni ti tangguyob dagiti tal-lo nga angel nga agtangguyobto pay.