Paltiing 3:1 - Ti Biblia (1973)

¹ Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Ti Baro a Naimbag a Damag Biblia

¹ Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:1 Iomraidhean Croise

San Lucas 15:24

Ta daytoy anacco natay ket nagungar; napucaw, ket nasaracan. Ket nangrugida a nagrarambac.

San Lucas 15:32

Ngem masapul ti panagrambac ken panagayayat, ta daytoy cabsatmo natay ket nagungar; ken napucaw, ket nasaracan.

San Juan 1:16

Ta iti pannacapunnona immawattay amin, ket parabur a mainayon iti parabur.

San Juan 1:33

Ket isu diac amammo idi; ngem daydi nangibaon caniac a mamautizar iti danum, kinunana caniac. Ti makitamto a babaan ti Espiritu ket agtaeng kencuana, daytoy met laeng ti mamautizar iti Espiritu Santo.

San Juan 20:22

Ket idi nasaona daytoy, sinang-awanna ida ket cunana cadacuada: Awatenyo ti Espiritu Santo;

San Juan 3:34

Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

Dagiti Aramid 2:33

Iti casta idinto a naitan-oc iti macanawan ti Dios ken inawatna iti Ama ti cari ti Espiritu Santo, imbuyatna daytoy nga makitayo ken mangngegyo.

Taga-Efeso 2:1

Ket pinagbiagnacayo, idinto a nataycayon gapu cadagiti panangsalungasing ken basbasol,

Taga-Efeso 2:5

Uray pay nataytayon idi gapu cadagiti basbasoltayo, pinagbiagnatayo a nairanud ken Cristo (gapu iti parabur naisalacancayo),

Taga-Colosas 2:13

Ket dacayo, idinto a nataycayo gapu cadagiti basbasolyo, ken ti di pannacacugit ti lasagyo, iniccannacayo ti biag a naicuyog kencuana, a pinacawannatayo, cadagiti isu-amin a basbasoltayo;

1 Timoteo 5:6

Ngem ti agbibiag cadagiti ragragsac, idinto a sibibiag, adda a natay.

Santiago 2:26

Ta cas iti bagi, a no maisina iti cararua, natay, casta met ti pammati nga awanan ar-aramid, natay.

1 Pedro 1:11

A sinucsukimatda no ania wenno casano ti tiempo nga imbaga ti Espiritu ni Cristo, nga adda idi cadacuada, idi impacpacaunana a sinacsian dagiti tutuoc a maipaay ken Cristo ken dagiti daydayag a sumarunonto cadacuada.

San Judas 1:12

Dagitoy a tao isuda dagiti batbato a nalemmeng cadagiti pagdadayaanyo iti ayat, a no makidayada cadacayo, makipanganda nga awanan bain; ul-ulep nga awan danumda, nga itayab dagiti angin; caycayo nga awan bungada iti panagapit, a naminduada a natay, ken naparut a siraramut.

Paltiing 1:11

A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 1:16

Ket iti macanawan nga imana nagiggem cadagiti pito a bituen; ket iti ngiwatna rimmuar ti maysa a campilan, a dua ti tademna; ket daydi rupana cas la panaglawag ti init no caraniagna.

Paltiing 1:20

Ti palimed dagiti pito a bituen a nakitam iti macanawanco, ken dagiti pito a pagsilawan a nabalitocan. Dagiti pito a bituen isuda dagiti angel cadagiti pito nga Iglesia; ket dagiti pito a pagsilawan isuda dagiti pito nga Iglesia.

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 2:13

Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Paltiing 2:19

Siac ammoc dagiti ar-aramidmo, ken ti ayatmo, ken ti pammatim, ken ti panagservim, ken ti kinaanusmo; ket ammoc a dagiti ar-aramidmo a naud-udi adaduda ngem dagidi immun-una.

Paltiing 2:2

Siac ammoc dagiti aramidmo, ken ti panagbannogmo ken ti anusmo; ken ti dica pannacaibtor cadagiti dakes a tattao, ket sinuutmo dagiti mangnagnagan cadagiti bagbagida nga apostol, ket saanda met nga apostol ket nasaracam ida a naulbod;

Paltiing 2:9

Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.

Paltiing 3:15

Siac ammoc dagiti ar-aramidmo, a saanca a nalamiis ket saanca met a napudot. Siac cayatco coma a nalamiisca wenno napudotca.

Paltiing 3:2

Agsalucagca, ket pasingkedam dagiti banag a natda pay, isuda a nganngani natay; ta cadagiti ar-aramidmo awan ti nasaracac a nasayaat unay iti sangoanan ti Diosco.

Paltiing 3:8

Siac ammoc dagiti ar-aramidmo: (adtoy, incabilco iti sangoanam ti maysa a ruangan a silulucat, isu nga awan ti macairikepto; ta adda bassit a pannacabalinmo, ket sinalimetmetam ti saoc, ket dica naglibacan ti naganco.

Paltiing 4:5

Ket iti trono rumrummuar idi dagiti kimkimat, ken timtimec ken gurgurruod; ket adda idi pito a pagsilawan nga apuy a sumsumged iti sangoanan ti trono, nga isuda dagiti pito nga Espiritu ti Dios;

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.