Paltiing 22:5 - Ti Biblia (1973)

⁵ Ket awanton ti rabii; ket dida masapul ti lawag ti pagsilawan, wenno ti lawag ti init: ta ni Apo Dios lawaganna ida: ket agaridanto iti awan inggana.

Ti Baro a Naimbag a Damag Biblia

⁵ Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 22:5 Iomraidhean Croise

Dagiti Salmo 36:9

Ta adda kenca ti ubbog ti biag: ita raniagmo makitaminto ti lawag.

Dagiti Salmo 84:11

Ta ni Jehova a Dios isu ti init ken calasag: ni Jehova mangtedto iti parabur ken gloria; awanto ti imbag a maikedked cadagiti magna a sililinteg.

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Isaias 30:26

Maysa pay ti lawag ti bulan caslanto la lawag ti init, ket ti lawag ti init maminpitonto, a cas iti lawag dagiti pito nga aldaw, iti aldaw a panangpatapat ni Jehova iti dunor ti ilina, ken ti panangpaimbagna cadagiti birri ti sugatda.

Daniel 7:18

Ngem dagiti sasanto ti Cangatoan awatendanto ti pagarian, ket tagicuaendanto ti pagarian iti agnanayon, iti met laeng agnanayon nga awan inggana.

Daniel 7:27

Ket iti pagarian ken panagturay, ken iti kinadackel dagiti pagpagarian iti babaen ti amin a langit maiteddanto cadagiti il-ili dagiti sasanto ti Cangatoan: ti pagarianna agnanayon a pagarian, ket amin a pagturayan agservi ken agtulnogdanto kencuana.

Zacarias 14:7

Ngem isunto ti maysa nga aldaw a maammoan ken ni Jehova; saan nga aldaw, ket saan a rabii; ngem mapasamacto, nga iti rumabi-i addanto lawag.

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 25:34

Iti dayta cunaento ti ari cadagiti adda iti macanawanna: Umaycayo, bendito ni Amac, tawidenyo ti pagarian a naisagana cadacayo nanipud idi pannacabangon ti lubong:

San Mateo 25:46

Ket dagitoy mapandanto iti dusa nga agnanayon; ngem dagiti nalinteg iti biag nga agnanayon.

Taga-Roma 5:17

Ta no ti ipapatay nagari gapu iti basol daydi maysa, nangnangrona pay, a dagiti immawat iti kinawadwad ti parabur ken ti sagut ti kinalinteg, agaridanto iti biag gapu iti sabali, nga isu ni Jesu-Cristo.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 18:23

Ket ti lawag ti maysa a pagsilawan saanto nga aglawagen kenca; ket ti timec ti novio ken ti novia saanto a mangngeganen kenca: ta dagiti agtagtagilaco kenca isuda idi dagiti pangoloen ti daga; ta gapu cadagiti panagsalsalamangcam naallilaw dagiti isu-amin a pagpagarian.

Paltiing 20:4

Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Paltiing 20:6

Nagasat ken santo ti mairaman iti panagungar nga umuna: cadacuada awan pannacabalin ti maicadua nga ipapatay; no di ket isudanto dagiti papadi ti Dios ken ni Cristo, ket makipagaridanto kencuana bayat ti sangaribo a tawen.

Paltiing 21:11

Isu nga addaan ti dayag ti Dios: ti raniagna umas-asping iti maysa a bato a napateg unay, cas bato a jaspe, aganinaw a cas la cristal:

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.