Paltiing 22:2 - Ti Biblia (1973)

² Iti tengnga ti calzada sadiay, ket iti agsumbangir nga igid daydi carayan, adda daydi cayo ti biag, nga adda sangapulo ket dua a kita ti bungana, nga agbunga iti binulan; ket dagiti bulbulong daydi cayo maipaayda iti pannacaagas dagiti pagpagarian.

Ti Baro a Naimbag a Damag Biblia

² Agayus ti karayan iti tengnga ti kalsada ti siudad. Iti agsumbangirna, adda dagiti puon ti kayo ti biag a binulan nga agbunga, ket nasamay dagiti bulongda a pangagas iti sakit dagiti pagilian.

Paltiing 22:2 Iomraidhean Croise

Genesis 2:9

Ket ni Jehova Dios pinatubona iti daga, amin a cayo a nacaay-ayo a makita, ken naimbag a canen; casta met ti cayo ti biag iti tengnga ti minuyongan, ken ti cayo ti pannacaammo ti imbag ken ti dakes.

Dagiti Salmo 147:3

Agasanna dagiti nadanar iti pusoda, ket bedbedanna dagiti sugsugatda.

Dagiti Proverbio 3:18

Isu ti cayo ti biag cadagiti cumpet kencuana: ket naragsac ti siasinoman a mangsalimetmet kencuana.

Isaias 6:10

Palucmegenyo dagiti puspuso daytoy nga umili, ken pagdagsenenyo dagiti lapayagda, ken pagkidemenyo dagiti matada; di la ket ta macakitada cadagiti matada, ken macangngegda cadagiti lapayagda, ken macaawatda cadagiti pusoda, ken agbabawida ket mapasalun-atda.

Jeremias 17:14

Agasannac, O Jehova, ket maimbaganacto; isalacannac, ket maisalacanacto: ta sica ti dayawco.

Ezekiel 47:1

Ket insublinac iti ruangan ti balay; ket adtoy, dagiti danum nagayusda manipud iti siroc ti dapian ti balay nga agpadaya (ta ti pamarang ti balay simmango iti daya); ket dagiti danum bimmabada manipud iti siroc, manipud iti canawan a sikigan ti balay, iti abagatan ti altar.

Oseas 14:4

Agasacto ti panaglicudda, ayatecto ida a nawadwad; ta iti pungtotco maiccaten kencuana.

Zacarias 14:8

Ket maaramidto iti daydiay nga aldaw, a nabiag a dandanum rumuardanto nga aggapu ti Jerusalem; ti cagudua dagidiay agpa-baybay iti daya, ket ti cagudua dagidiay agpa-baybay iti laud; castanto iti pannawen ti pudot ken lam-ec.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 21:21

Ket dagidi sangapulo ket dua a ruangan perlasda: tunggal maysa cadagiti ruangan maymaysa a perlas ket ti calzada daydi ciudad balitoc a pulpulos, nga aganinaw a cas la cristal.

Paltiing 21:24

Ket dagiti pagpagarian magmagnadanto iti lawagna; ket dagiti ar-ari ti daga yegda kencuana ti dayagda.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.