Paltiing 22:1 - Ti Biblia (1973)

¹ Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Ti Baro a Naimbag a Damag Biblia

¹ Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:1 Iomraidhean Croise

Dagiti Salmo 46:4

Adda maysa a carayan a dagiti ayusna paragsakenda ti ili ti Dios, ti nasantoan a yan dagiti tabernaculo ti Cangatoan.

Isaias 41:18

Manglucatacto cadagiti carcarayan cadagiti nalucasan a panpantoc, ken ub-ubbog iti tengnga dagiti tantanap; aramidec ti let-ang a maysa a libtong ti danum, ken ti namaga a daga nga ub-ubbog ti danum.

Isaias 48:18

O no dinengngegmo coma dagiti bilbilinco! iti casta ti talnam cas coma iti maysa a carayan, ken ti kinalintegmo cas la coma daldalluyon ti baybay:

Isaias 66:12

Ta castoy ti cuna ni Jehova, Adtoy, isacnapconto ti talna kencuana a cas iti carayan, ken ti dayag dagiti nasnacion a cas iti aglablabiang nga ayus: ket dacayo sumusopcayto kencuana; maubbacayto iti rabaw ti bacrang, ken marayawcayto iti rabaw dagiti tumeng.

Jeremias 17:13

O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.

Jeremias 2:13

Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Zacarias 14:8

Ket maaramidto iti daydiay nga aldaw, a nabiag a dandanum rumuardanto nga aggapu ti Jerusalem; ti cagudua dagidiay agpa-baybay iti daya, ket ti cagudua dagidiay agpa-baybay iti laud; castanto iti pannawen ti pudot ken lam-ec.

San Juan 13:32

No ti Dios maidaydayaw kencuana casta met ti Dios idaydayawnanto kencuana met laeng, ket idaydayawnanto a dagus.

San Juan 15:26

Ngem inton umay ti Manangliuliwa, nga ibaonconto cadacayo manipud ken Ama, ti Espiritu ti kinapudno, nga aggapu ken Ama, panecnecannanto ti maipapan caniac:

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Dagiti Aramid 2:33

Iti casta idinto a naitan-oc iti macanawan ti Dios ken inawatna iti Ama ti cari ti Espiritu Santo, imbuyatna daytoy nga makitayo ken mangngegyo.

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 21:11

Isu nga addaan ti dayag ti Dios: ti raniagna umas-asping iti maysa a bato a napateg unay, cas bato a jaspe, aganinaw a cas la cristal:

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 22:6

Ket kinunana caniac: Dagitoy a sasao papatien ken napudnoda: ket ti Apo, daydi Dios dagiti espiritu dagiti mammadto, imbaonna daydi angelna, tapno ipakitana cadagiti ad-adipenna dagiti banbanag a maipapilit a mapasamac iti mabiit.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 5:13

Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.

Paltiing 5:6

Ket nakitac, nga agtatacder iti nagtengngaan di trono ken dagiti uppat a parsua a sibibiag, ken dagidi lallacay, ti maysa a Cordero, a cas la napapatay idi: isu nga adda pito a sarana, ken pito a matana, nga isuda dagiti pito nga Espiritu ti Dios, a naibaon iti isu-amin a daga.

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.