Paltiing 21:9 - Ti Biblia (1973)

⁹ Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Ti Baro a Naimbag a Damag Biblia

⁹ Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”

Paltiing 21:9 Iomraidhean Croise

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 17:1

Ket ti maysa cadagidi pito nga angel nga addaan cadagidi pito a malocong, immay ket nakisao caniac, a cunana: Umayca ditoy; ipakitacto kenca ti pannacaocom ti dackel a balangcantis, nga adda a nagtugaw iti rabaw dagiti adu a dandanum;

Paltiing 19:7

Agragrag-otayo, ket agvivatayo, ket agdaydayawto kencuana ta dimteng ti panagboda ti Cordero, ket ti asawaenna nacasaganan.

Paltiing 21:17

Ket rinucudna daydi bacudna, ket sangagasut uppat a pulo ket uppat a casico, cas panagrucud ti maysa a tao, isu ti panagrucud daydi angel.

Paltiing 21:2

Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 22:6

Ket kinunana caniac: Dagitoy a sasao papatien ken napudnoda: ket ti Apo, daydi Dios dagiti espiritu dagiti mammadto, imbaonna daydi angelna, tapno ipakitana cadagiti ad-adipenna dagiti banbanag a maipapilit a mapasamac iti mabiit.