Paltiing 21:6 - Ti Biblia (1973)

⁶ Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Ti Baro a Naimbag a Damag Biblia

⁶ Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 21:6 Iomraidhean Croise

Dagiti Salmo 36:9

Ta adda kenca ti ubbog ti biag: ita raniagmo makitaminto ti lawag.

Isaias 12:3

Gapuna a sumacducayo a sirarag-o iti danum cadagiti bubon ti pacaisalacanan.

Jeremias 2:13

Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Oseas 14:4

Agasacto ti panaglicudda, ayatecto ida a nawadwad; ta iti pungtotco maiccaten kencuana.

Joel 3:18

Ket maaramidto iti dayta nga aldaw, a dagiti banbantay pagtedtedendanto ti nasam-it nga arac, ket dagiti turturod pagayusendanto ti gatas, ket amin dagiti wawaig ti Juda agayusdanto cadagiti dandanum; ket rumuarto ti maysa a burayoc iti balay ni Jehova, ken sibugannanto ti lobong ti Sittim.

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 4:11

Ti babai cunana kencuana: Apo, awan ti pagsacdum ket ti bubon nauneg, adino ngarud ti pangpaaddaam ti danum a nabiag?

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

Taga-Roma 3:24

Idinto a maibilangda a nalinteg nga awan ti baybayadna gapu iti paraburna, a maaramat ti pannacasubbot nga adda ken Cristo Jesus:

Taga-Roma 8:32

Daydi saan a nangipaidam iti Anacna met laeng, no di ket inyawatna gapu cadatayo amin, dina aya iparaburto cadatayo dagiti amin a banbanag a mairaman kencuana?

1 Taga-Corinto 2:12

Ngem inawattayo, saan a ti espiritu ti lubong, no di ti Espiritu a cucua ti Dios; tapno maammoantayo dagiti banbanag a naparaburan nga inted ti Dios cadatayo.

1 Taga-Corinto 3:12

No adda agbalay iti rabaw daytoy a cimiento, ti balitoc, pirac, batbato a napateg, cayo, root, garami;

1 Taga-Corinto 3:21

Iti casta ngarud awan coma ti agpasindayag gapu cadagiti tattao. Ta isu-amin dagiti banbanag cucuayo ida;

1 Taga-Corinto 3:5

Asino ngarud ni Apolos, ket asino ni Pablo? Ministrosda a naaramat tapno namaticayo; ken cas iti inted ti Apo iti tunggal maysa.

Paltiing 1:11

A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 1:17

Ket idi nakitac, napasagac cadagiti sacsacana a cas la natay; ket impatayna daydi macanawanna caniac, a kinunana: Dica agbuteng siac ti umuna ken ti camaudianan,

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan:

Paltiing 16:17

Ket daydi maicapito imbuyatna daydi malocongna iti angin; ket rimmuar ti maysa a dackel a timec idi templo manipud idi trono a cuncunana: Naaramiden!

Paltiing 22:13

Siac ti Alpha ken ti Omega, ti umuna ken ti camaudianan ti pangrugian ken ti pagpatinggaan.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 3:14

Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.