Paltiing 21:5 - Ti Biblia (1973)

⁵ Ket daydi situtugaw idi trono kinunana: Adtoy pagbalinec a babbaro dagiti isu-amin a banbanag. Ket kinunana: Isuratmo: ta dagitoy a sasao papatien ken napudnoda.

Ti Baro a Naimbag a Damag Biblia

⁵ Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 21:5 Iomraidhean Croise

Isaias 42:9

Adtoy, dagiti umuna a banbanag mapasamacdan, ket babbaro a banbanag ti ipablaacco; iti sacbay ti itutuppuarda ibagac cadacayo ti maipapan cadacuada.

Isaias 43:19

Adtoy, agaramidacto iti baro a banag; tumpuarto itan; dicayto aya maammoan? mangicabilacto pay iti maysa a dalan iti let-ang, ken carcarayan iti langalang.

San Lucas 5:38

Ngem ti baro nga arac rebbengna ti maicabil cadagiti babbaro a lalat.

2 Taga-Corinto 5:17

Gapuna no ti maysa adda ken Cristo, isu baro a parsua: dagiti banag a daan napalabasdan, adtoy nagbalinda a baro.

Hebreo 12:27

Ket daytoy sao, a Maminsan pay; ibagana ti pannacaiccat dagidiay magaraw, a cas cadagiti banbanag a timmataud laeng, tapno mataginayon dagiti saan a magaraw.

Paltiing 1:11

A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 1:19

Isuratmo, ngarud dagiti banbanag a nakitam ken dagiti adda ita, ken dagiti mapasamacto calpasan dagitoy:

Paltiing 19:9

Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.

Paltiing 22:6

Ket kinunana caniac: Dagitoy a sasao papatien ken napudnoda: ket ti Apo, daydi Dios dagiti espiritu dagiti mammadto, imbaonna daydi angelna, tapno ipakitana cadagiti ad-adipenna dagiti banbanag a maipapilit a mapasamac iti mabiit.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;

Paltiing 4:9

Ket intono dagiti parsua a sibibiag mangtedda iti dayag ken dayaw ken panagyaman iti daydi adda a situtugaw iti trono, isu nga agbiag iti awan inggana.

Paltiing 5:1

Ket nakitac iti macanawan daydi agtutugaw iti trono, ti maysa a pagbasaan a nasuratan iti uneg ken iti ruar, ket naselloan cadagiti pito a sello.