Paltiing 21:4 - Ti Biblia (1973)

⁴ Ket punasennanto ti amin a lulua cadagiti matada; ket awanton ni patay; ket awanto met-ten ti sasaibbec, wenno sangsangit, wenno rigrigat; ta dagidi immuna a banbanag napalabasdan.

Ti Baro a Naimbag a Damag Biblia

⁴ Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”

Paltiing 21:4 Iomraidhean Croise

Dagiti Salmo 144:4

Ti tao maipadpad iti kinaubbaw: dagiti al-aldawna arigda la maysa nga aniniwan nga agpucaw.

Isaias 25:8

Isu inalimonna nga agnanayon ni patay; ket ni Jehova nga Apo punasennanto dagiti lulua cadagiti isu-amin a ruprupa; ket ti pacaumsian ti ilina iwacsinanto manipud iti amin a daga; ta sinao ni Jehova.

Isaias 30:19

Ta dagiti umili agtaengdanto idiay Sion sadi Jerusalem; dicanto agsangiten; dinto bumurong a mangngaasi kenca gapu iti timec ti panangawagmo; intono mangngegna, sungbatannacanto.

Isaias 35:10

Ket dagiti sinubbot ni Jehova agsublidanto, ken umayda idiay Sion a mabuyogan iti cancanta; ket agnanayon a rag-o ti agtaengto iti rabaw dagiti oloda: magunoddanto ti ragsac ken rag-o, ket ti ladingit ken sasainnec agtalawdanto.

Isaias 51:11

Ket dagiti sinubbot ni Jehova agsublidanto, ken umayda nga agcancanta agingga iti Sion; ket ti agnanayon a rag-o; agtaengto iti rabaw dagiti oloda: magunuddanto ti ragsac ken rag-o: ket ti ladingit ken sainnec agtalawdanto.

Isaias 60:20

Ti initmo dinto lumneken, uray ti bulanmo dinto bumassit; ta ni Jehova isunto ti agnanayon a lawagmo, ket dagiti aldaw ti panagpanesmo manungpaldanto.

Isaias 61:3

A mangipaay cadagidiay nga agdung-aw idiay Sion, a mangted cadacuada iti balangat iti lugar ti dapu, ti lana ti rag-o iti lugar ti dung-aw, ti pagan-anay ti dayaw iti lugar ti espiritu ti ladingit; tapno managananda coma caycayo ti kinalinteg, ti panagmulmula ni Jehova, tapno madaydayaw coma.

Jeremias 31:12

Ket umaydanto agcanta idiay tapaw ti Sion, ket agpunipondanto iti kinaimbag ni Jehova, iti trigo, ken iti baro nga arac, ken iti lana, ken cadagiti urbon dagiti pangen ken arban: ket ti cararuada caslanto maysa a minuyungan a madandanuman; ket saandanton nga agleddaang a pulos.

Jeremias 31:13

Iti casta ti balasang agragsacto iti panagsala, ken dagiti agtutubo a lalaki ken dagiti lallacay nga aggigiddan: ta pagbalinecto ti leddaangda a rag-o, ket liwliwaecto ida, ket manipud iti leddaangda pagragsakecto ida.

Oseas 13:14

Subbotecto ida iti pannacabalin ni Tanem; subbutecto ida ken patay: O patay, sadino ti yan dagiti angolmo? O Tanem, sadino ti yan ti pangrebbecmo? panagbabawi mailengedto cadagiti matac.

San Mateo 24:35

Ti langit ken daga mapucawdanto ngem dagiti saoc didanto bumurong.

1 Taga-Corinto 15:26

Ti maudi a cabusor a mapucawto, isu ni patay.

1 Taga-Corinto 7:31

Ket dagiti mangaramat ti lubong, dida coma cas aglablabes: ta ti ugali daytoy lubong lumabas.

2 Taga-Corinto 5:17

Gapuna no ti maysa adda ken Cristo, isu baro a parsua: dagiti banag a daan napalabasdan, adtoy nagbalinda a baro.

2 Taga-Corinto 6:17

Gapuna Pumanawcayo iti nagtengngaanda, ket suminacayo, cuna ti Apo. Ket saanyo a sagiden ti aniaman a di nadalus; Ket siac awatencayto,

Hebreo 12:27

Ket daytoy sao, a Maminsan pay; ibagana ti pannacaiccat dagidiay magaraw, a cas cadagiti banbanag a timmataud laeng, tapno mataginayon dagiti saan a magaraw.

2 Pedro 3:10

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyugen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.

1 Juan 2:17

Ket ti lubong aglabas, ken ti dakes a tarigagayna; ngem ti agaramid iti pagayatan ti Dios mataginayon.

Paltiing 20:13

Ket ti baybay inyawatna dagiti natay nga addada kencuana, ket ni patay ken ti Hades inyawatda dagiti natay nga adda idi cadacuada: ket naocomda tunggal maysa cas mayannurot cadagiti aramidna.

Paltiing 20:14

Ket ni patay ken ti Hades naitappuacda idi danaw nga apuy: daytoy ti maicadua nga ipapatay, ti danaw nga apuy.

Paltiing 21:1

Ket nakitac ti maysa a langit a baro ken maysa a daga a baro; ta daydi immuna a langit ken daydi immuna a daga napalabasdan, ket ti baybay awanen.

Paltiing 22:3

Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;

Paltiing 7:17

Ta ti Cordero nga adda iti tengnga, ti trono, ipastorannanto ida, ket iturongnanto ida cadagiti ubbog ti danum ti biag ket punasento ti Dios ti amin a lulua cadagiti matada.