Paltiing 21:3 - Ti Biblia (1973)

³ Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Ti Baro a Naimbag a Damag Biblia

³ Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Paltiing 21:3 Iomraidhean Croise

1 Ar-ari 8:27

Ngem, agpayso aya a ti Dios agnaedto iti daga? Adtoy, ti langit ken ti langit dagiti langlangit saandaca a malaon; dinto ngarud adadda daytoy a balay a pinutarco!

2 Cronicas 6:18

Ngem, agpayso aya a ti Dios makipagnaedto cadagiti tattao iti daga? Adtoy, dagiti langit ken ti langit dagiti langlangit saandaca a malaon; dinto ngarud ad-adda daytoy a balay a pinutarco!

Exodo 25:8

Ket yaramidandac coma iti maysa a santuario, tapno agnaedac iti nagbabaetanda.

Exodo 29:45

Ket agnaedacto iti tengnga dagiti annac ti Israel, ket siacto ti Diosda.

Isaias 12:6

Apdir-ica ken agriawca sica nga agtaeng iti Sion; ta ti Santo ti Israel dackel iti nagtengngaam.

Jeremias 31:33

Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

Jeremias 32:38

Ket isudanto ti ilic, ket siacto ti Diosda:

Ezekiel 37:27

Ti tabernaculoc met addanto cadacuada; ket siacto ti Diosda, ket isudanto ti ilic.

Ezekiel 43:7

Ket kinunana caniac, Anac ti tao, daytoy ti disso ti tronoc, ken ti disso dagiti dapanco, isu a pagnaedac iti agnanayon iti tengnga dagiti annac ti Israel. Ket ti balay ti Israel saandanton a tulawan ti nasantoan a naganco, uray isuda wenno dagiti arida, gapu iti kinabalangcantisda ken gapu cadagiti bangcay dagiti arida cadagiti nangato a dissoda.

Ezekiel 48:35

Sangapulonto ket walo a ribu a runo iti aglicmut: ket ti naganto ti ili manipud iti daydiay nga aldaw, Ni Jehova adda dita.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

Zacarias 8:8

Ket yegconto ida, ket agnaeddanto iti nagtengngaan ti Jerusalem: Ket isudanto ti ilic, ket siacto ti Diosda, iti kinapudno ken iti kinalinteg.

Numero 9:16

Casta idi nga agnanayon: ti ulep inabungotanna ket nagparang a cas apuy iti rabii.

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 14:23

Simmungbat ni Jesus, ket kinunana kencuana: No adda agayat caniac, salimetmetannanto ti saoc ket ni Amac ayatennanto, ket umaycamto kencuana, ket makipagiancamto kencuana.

2 Taga-Corinto 6:16

Ket ania ti pacainugotan dagiti ladladawan a didiosen iti Templo ti Dios? ta datayo ti Templo ti Dios a sibibiag; a cas met kinuna ti Dios: Agbalayacto cadacuada, ket magmagnaacto cadacuada; ket siacto ti Diosda, ket isudanto dagiti umili iti Ilic.

2 Taga-Corinto 6:18

Ket siacto ti Amayo, Ket dacayonto ti annacco a lallaki ken babbai; Cuna ti Apo a Mannacabalin amin.

1 Taga-Tesalonica 3:11

Ngem ti met laeng Dios ken Amatayo ken ni Apotayo a Jesus, ti mangidalan coma cadacami nga agturong cadacayo:

Hebreo 11:16

Ngem ita tarigagayanda ti nasaysayaat a pagnaedan cayatna a sao-en, ti nailangitan: gapuna ti Dios saanna ida nga ibain, nga isu awaganda a Dios da; ta insaganana cadacuada ti pagilian.

Hebreo 8:10

Ta daytoy ti tulag nga aramidecto iti balay ni Israel Inton malpas dagidiay nga aldaw, cuna ti Apo; Icabilconto dagiti linlintegco iti isipda, Ket isuratconto met ida iti pusoda; Ket siacto ti Diosda, Ket isudanto ti ilic:

Hebreo 8:2

Maysa a ministro ti altar ken iti napudno a tabernaculo, nga binangon ti Apo, saan a ti tao.

Paltiing 10:4

Ket idi a dagidi pito a gurrood nagunidan innac coma agsurat, ket nangngegco ti maysa a timec a naggapu sadi langit a nagcuna: Selloam dagiti banag a binalicas dagiti pito a gurrood, ket dica isurat ida.

Paltiing 10:8

Ket daydi timec a nangngegco a naggapu sadi langit, kinasaonac manen, a kinunana: Magnaca, alaem daydiay pagbasaan nga adda a sibibistrad iti ima ti angel a nagbatay iti baybay ken iti daga.

Paltiing 12:10

Ket nangngegco ti maysa a dackel a timec sadi langit, nga cuncunana: Ita immayen ti pannacaisalacan ken ti pannacabalin ken ti pagarian ti Diostayo, ken ti panagturay ni Cristona; ta ti mangidardarum cadagiti cacabsattayo naitapuaken, daydiay mangidardarum cadacuada iti sangoanan ti Diostayo bayat ti aldaw ken rabii.

Paltiing 21:7

Ti agbal-liginto, tawidennanto dagitoy a banbanag ket siacto ti Diosna, ket isunto ti anacco.

Paltiing 22:3

Ket awanton ti lunod ket ti trono ti Dios ken ti Cordero addadanto kencuana, ket dagiti adipenna agservidanto kencuana;

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.