Paltiing 21:2 - Ti Biblia (1973)

² Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Ti Baro a Naimbag a Damag Biblia

² Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 21:2 Iomraidhean Croise

Dagiti Salmo 87:3

Nadayag a banbanag dagiti panangsarsaritada kenca, O ili ti Dios. (Selah)

Isaias 1:21

Casano aya ti panagbalinna a balangcantis ti ili a matalec! isu a napno idi iti kinajusticia! ti kinalinteg nagtaeng idi kencuana, ngem ita managpapatay.

Isaias 52:1

Agriingca, agriingca, yusongmo ti pigsam, O Sion; yusongmo ti nasayaat a pagan-anaymo, O Jerusalem, ti nasantoan nga ili: ta manipud ita saanto a sumreken kenca ti di nacugit ken ti di nadalus.

Isaias 54:5

Ta ti Nangaramid kenca isu ti asawam a lalaki; Jehova dagiti buybuyot ti naganna: ket ti Santo ti Israel isu ti Mannubbotmo; ti Dios ti sangalubongan ti pangnagananto kencuana.

Isaias 61:10

Siac agragsacacto unay ken ni Jehova, ti cararuac agrag-onto iti Diosco; ta isu kinawesannac cadagiti pagan-anay ti pannacaisalacan, isu inabbongannac iti lambon ti kinalinteg, a cas maysa a novio nga agbalangat, ken cas maysa a novia nga agaramat cadagiti alajasna.

Isaias 62:4

Saancanton a managanan iti Nabaybay-an; ket dinto met managananen ta dagam iti Langalang: no di ket sica managanancanto iti Hebsiba, ken iti dagam iti Beulah; ta ni Jehova agrag-o kenca, ken ti dagam maasawanto.

Jeremias 31:23

Castoy ti cuna ni Jehova dagiti buybuyot, a Dios ti Israel: Aramatendanto manen daytoy a sao idiay daga ti Juda ken cadagiti il-ilina, intono pagbaliwec ti pannacacayawda; ni Jehova bendicionannaca, O pagnaedan ti kinalinteg, O bantay ti kinasanto.

San Juan 3:29

Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

2 Taga-Corinto 11:2

Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.

Hebreo 11:10

Ta inururayna ti ciudad nga adda cimientona: a ti mangbalabala ken mangipatacder kencuana, isu ti Dios.

Hebreo 11:16

Ngem ita tarigagayanda ti nasaysayaat a pagnaedan cayatna a sao-en, ti nailangitan: gapuna ti Dios saanna ida nga ibain, nga isu awaganda a Dios da; ta insaganana cadacuada ti pagilian.

Hebreo 12:22

Ngem immasidegcayo iti bantay Sion, ken iti ili ti Dios a sibibiag, ti Jerusalem a nailangitan, ken cadagiti di mabilang a buybuyot dagiti angel.

Hebreo 13:14

Ta awan ti pagiliantayo ditoy a mataginayon, ngem tarigagayantayo ti mapasungad.

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 11:2

Ket ti paraangan iti ruar ti Templo, lacsidem, ket dica rucuden; ta naiteden cadagiti gangannaet ket ipayatdanto ti nasantoan a ciudad cadagiti uppat a pulo ket dua a bulan.

Paltiing 21:10

Ket impannac babaen ti Espiritu iti maysa a bantay a dackel ken natayag, ket impakitana caniac ti nasantoan a ciudad ti Jerusalem, a bimmaba nanipud langit a naggapu iti Dios.

Paltiing 21:9

Ket maysa cadagiti pito nga angel nga addaanda cadagiti pito a malocong a napnoda cadagiti pito a camaudianan a pannaplit; immay ket nakisao caniac, a cuncunana: Umayca ditoy; ipakitacto kenca ti novia, ti asawa ti Cordero.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.

Paltiing 22:19

Ket no addanto mangkissay cadagiti sasao ti pagbasaan daytoy a padto, ti Dios iccatennanto ti pannacabagina iti cayo ti biag, ken idiay nasantoan a ciudad, ken cadagiti banbanag a naisurat itoy a pagbasaan.

Paltiing 3:12

Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.