Paltiing 21:16 - Ti Biblia (1973)

¹⁶ Ket daydi ciudad nagcuadrado, ket ti rucud ti caatiddugna castamet ti caacabana: ket rinucudna idi pagrucudna daydi ciudad, sangapulo ket dua ribo nga estadio. Ti caatiddug ken caacaba ken ti cangato agpapadada.

Ti Baro a Naimbag a Damag Biblia

¹⁶ Kuadrado ti siudad: 2,400 a kilometro ti kaatiddog; kasta met ti kaakaba ken kangatona.

Paltiing 21:16 Iomraidhean Croise

Ezekiel 41:4

Ket rinucodna ti caatiddugna, duapulo a sico, ken ti caacaba, duapulo a sico, iti sangoanan ti templo: ket kinunana caniac, Daytoy isu ti casantoan a disso.

Ezekiel 42:20

Isu rinucodna cadagiti uppat a sikigan: adda bacudna iti aglicmut, ti caatiddug lima gasut, ket ti caacaba lima gasut, tapno maaramid ti pagsinaan daydiay nasantoan ken daydiay sapasap.

Ezekiel 48:35

Sangapulonto ket walo a ribu a runo iti aglicmut: ket ti naganto ti ili manipud iti daydiay nga aldaw, Ni Jehova adda dita.

Paltiing 21:15

Ket daydi makisasao caniac, adda maysa a pagrucudna a balitoc, tapno rucudenna ti ciudad ken dagiti ruanganna, ken ti bacudna.

Paltiing 21:17

Ket rinucudna daydi bacudna, ket sangagasut uppat a pulo ket uppat a casico, cas panagrucud ti maysa a tao, isu ti panagrucud daydi angel.