Paltiing 21:12 - Ti Biblia (1973)

¹² Adda maysa a bacudna a dackel ken natayag, adda sangapulo ket dua a ruanganna, ket cadagiti ruangan adda sangapulo ket dua nga angel; ket adda nagnagan a naisurat cadagiti mangan, nga isuda dagiti nagnagan dagiti sangapulo ket dua a capututan ti Israel:

Ti Baro a Naimbag a Damag Biblia

¹² Napuskol ken nangato ti bakud ket adda sangapulo ket dua a ruanganna a nagsaggaysaan a bambantayan ti sangapulo ket dua nga angheles. Iti tunggal ruangan, adda nagan a naisurat. Dagitoy dagiti nagan dagiti sangapulo ket dua a tribu ti Israel.

Paltiing 21:12 Iomraidhean Croise

2 Cronicas 9:19

Ken sangapulo ket dua a sinan-leon a nacatacder idiay rabaw dagiti innem a tuctucad iti agsumbangir a sikigan: awan naaramid a capadana iti uray sadino a pagarian.

ESDRAS 9:9

Ta dacami tagabucami; nupay casta dinacami indian ti Diosmi iti pannacatagabumi, no di ket inragpatnacami iti kinamanangngaasi iti imatang dagiti ar-ari ti Persia, tapno bang-arandacami tapno patacderenmi ti balay ti Diosmi, ken mangtarimaan cadagiti rebrebbana, ken mangted cadacami iti maysa a bacud iti Juda ken idiay Jerusalem.

Nehemias 12:27

Ket idi pannacaidaton ti bacud ti Jerusalem sinapulda dagiti Levitas cadagiti amin a disdissoda, tapno iyegda ida idiay Jerusalem, tapno salimetmetanda ti pannacaidaton iti ragsac, cadagiti panagyaman agpadpada, ken iti panagcanta, agraman piangpiangpiang, salsalterio, ken ar-arpa.

Dagiti Salmo 122:7

Maadda coma ti cappia iti las-ud dagiti murallam, ken kinanam-ay iti uneg dagiti palaciom.

Dagiti Salmo 51:18

Ipaayam iti imbag ita naimbag a nakemmo iti Sion: Bangonem dagiti bacbacud ti Jerusalem.

Exodo 28:21

Ket dagiti batbato mayannurotdanto cadagiti nagnagan dagiti annac ni Israel, sangapulo ket dua, cas cadagiti nagnaganda maipada iti pannacakitikit ti maysa a pagtandaanan, tunggal maysa cas iti naganna, maipaaydanto cadagiti sangapulo ket dua a capuonan.

Isaias 54:12

Ken aramidecto a taptapawmo dagiti rubrubi, ken dagiti ruanganmo dagiti carbunculos, ken amin dagiti beddengmo dagiti batbato a napateg.

Isaias 60:18

Ti panagrabsut dinto mangngegen iti dagam, ti pannacaracrac ken pannacarba cadagiti beddengmo; no di ket sica naganemto dagiti bacudmo iti Pannacaisalacan, ken dagiti ruanganmo iti Dayaw.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Lucas 15:10

Casta met ti cunac cadacayo nga addanto ragsac iti sangoanan dagiti angel ti Dios gapu iti maysa a managbasol nga agbabawi.

San Lucas 16:22

Ket naaramid a daydi agpalpalama natay ket impan dagiti angel iti saclot ni Abraham: ket natay met di bacnang ket naitanem.

Dagiti Aramid 26:7

Daytoy a cari, ururayen a dumteng dagiti sangapulo ket dua a tribumi nga agserservida a sireregta iti Dios iti aldaw ken rabii. Ket maipapan itoy a pananginanama. O ari! idarumdac dagiti Judio.

Hebreo 1:14

Saanda aya nga espiritu amin nga agservida a maibabaon tapno agserservi a maipaay iti paglaingan dagiti agtawidto iti pannacaisalacan?

Paltiing 21:13

Iti daya adda idi dagiti tal-lo a ruangan; iti amianan, tal-lo a ruangan iti abagatan, tal-lo a ruangan, ket iti laud, tal-lo a ruangan.

Paltiing 21:15

Ket daydi makisasao caniac, adda maysa a pagrucudna a balitoc, tapno rucudenna ti ciudad ken dagiti ruanganna, ken ti bacudna.

Paltiing 21:25

Ket dagiti ruanganna saandanto a maripcan uray caano iti aldaw (ta awanto ti rabii sadiay:)

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.