Paltiing 21:11 - Ti Biblia (1973)

¹¹ Isu nga addaan ti dayag ti Dios: ti raniagna umas-asping iti maysa a bato a napateg unay, cas bato a jaspe, aganinaw a cas la cristal:

Ti Baro a Naimbag a Damag Biblia

¹¹ Agranraniag daytoy gapu iti dayag ti Dios. Agrimatrimat a kas iti alahas a haspe ken aganninaw a kas iti kristal.

Paltiing 21:11 Iomraidhean Croise

Ti Libro ni Job 28:17

Balitoc ken sarming dida pumadpad kencuana, saan met a masucatan gapu cadagiti alajas a ginuguran a balitoc.

Isaias 4:5

Ket ni Jehova parsuaennanto iti rabaw ti amin a pagtaengan iti bantay Sion, ken cadagiti gimgimongda, ti maysa nga ulep ken asuc iti aldaw, ken ti raniag ti apuy iti rabii; ta addanto abbong a mayucrad iti rabaw ti amin a dayag.

Ezekiel 1:22

Ket iti rabaw ti olo ti parsua a sibibiag adda idi ti caasping ti tangatang, a cas la cristal a nacabutbuteng a perngen, a nayucrad iti rabaw dagiti oloda.

Ezekiel 1:26

Ket iti rabaw ti tangatang nga adda iti rabaw dagiti oloda adda idi ti caasping ti maysa a trono, a cas la kita ti bato a zafiro; ket iti rabaw daydi caasping ti trono adda cas la langa ti maysa a tao.

Ezekiel 28:16

Gapu iti caadu ti panagtagilacom pinunnoda ti tengngam iti panangranggas ket sica nagbasolca: gapuna nga imbellengca a cas saan a sagrado iti bantay ti Dios; ket dinadaelca, O mangabbong a kerubin, manipud iti tengnga dagiti batbato nga apuy.

Ezekiel 43:2

Ket, adtoy, ti dayag ti Dios ti Israel immay nanipud iti dalan ti daya; ket ti timecna cas la ti daranudor dagiti adu a dandanum; ket ti daga nagraniag babaen ti dayagna.

Ezekiel 48:35

Sangapulonto ket walo a ribu a runo iti aglicmut: ket ti naganto ti ili manipud iti daydiay nga aldaw, Ni Jehova adda dita.

Paltiing 15:8

Ket napno daydi templo iti asuc a nagtaud iti dayag ti Dios ken naggapu iti pannacabalinna: ket awan ti nacabalin a simbrec idi templo, agingga iti natungpal dagiti pito a pannaplit dagiti pito nga angel.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:5

Ket awanton ti rabii; ket dida masapul ti lawag ti pagsilawan, wenno ti lawag ti init: ta ni Apo Dios lawaganna ida: ket agaridanto iti awan inggana.

Paltiing 4:3

Ket daydi agtugtugaw, cas la umasping iti maysa a bato a jaspe ken maysa a bato a sardio; ket adda idi ti maysa a bul-lalayaw a nanglawlaw iti trono, nga umasping iti maysa nga esmeralda.

Paltiing 4:6

Ket iti sangoanan di trono adda idi maysa a baybay a sarming, nga umasping iti cristal; ket di trono, iti tengnga, ken iti aglicmut daydi trono, adda idi uppat a parsua a sibibiag a napno cadagiti matmata, iti sango ken iti licud.