Paltiing 21:10 - Ti Biblia (1973)

¹⁰ Ket impannac babaen ti Espiritu iti maysa a bantay a dackel ken natayag, ket impakitana caniac ti nasantoan a ciudad ti Jerusalem, a bimmaba nanipud langit a naggapu iti Dios.

Ti Baro a Naimbag a Damag Biblia

¹⁰ Addaak iti pannakabalin ti Espiritu ket impannak ti anghel iti rabaw ti nakangatngato a bantay. Impakitana kaniak ti Jerusalem, ti Nasantoan a Siudad a bumabbaba manipud langit nga aggapu iti Dios.

Paltiing 21:10 Iomraidhean Croise

1 Ar-ari 18:12

Ket maaramidto, apaman a pinanawanca, a ti Espiritu ni Jehova ipannacanto iti diac ammo; ket iti casta no mapanac ket ibagac ken Acab, ket isu dinacanto masaracan, isu patayennacto: ngem siac nga adipenmo agbutengac ken Jehova nanipud kinaubingco.

2 Ar-ari 2:16

Ket kinunada kencuana, Adtoy ita, nga adda limapulo a lallaki a napigsa cadagiti ad-adipenmo; dawatenmi kenca, a palubusam coma ida a mapan, ket birukenda coma ni apom, di la ket ta ti Espiritu ni Jehova isu ti inngatona ket isu ti impurruacna iti maysa a bantay, wenno iti maysa a lobong. Ket isu kinunana cadacuada, Dicayo mangibabaon coma.

Ezekiel 11:1

Idin ti Espiritu impangatonac, ket impannac iti makindaya a ruangan ti balay ni Jehova, isu a tumannawag iti daya: ket adtoy, iti pagsercan ti ruangan dagiti duapulo ket lima a lallaki; ket nakitac iti tengngada ni Jaazanias nga anac a lalaki ni Azur, ken ni Pelatias nga anac a lalaki ni Benaias, a piprincipe ti ili.

Ezekiel 11:24

Ket ti Espiritu impangatonac, ket babaen ti Espiritu ti Dios impannac iti sirmata idiay Caldea, cadagidiay nacayawan. Ket ti sirmata a nakitac nagpangato manipud caniac.

Ezekiel 3:14

Iti casta ti espiritu binagcatnac, ket impanawnac; ket napanac a sipapait ti nakemco, ken iti pudot ti espirituc; ket ti ima ni Jehova napigsa idi caniac.

Ezekiel 8:3

Ket isu inyunnatna ti casla maysa nga ima, ket tiniliwnac a pinungot iti olo; ket ti Espiritu intayagnac iti nagbaetan ti daga ken langit, ket babaen cadagiti sirmata a nadiosan impannac idiay Jerusalem, iti pagsercan ti ruangan ti makinuneg a paraangan a tumurong iti amianan; a yan idi ti pagtugawan ti ladawan ti imon, a manggargar ti imon.

Dagiti Aramid 8:39

Ket idi simmang-atdan iti danum, ti Espiritu ti Apo inyadayona ni Felipe, ket daydi eunuco saanna a nakitan ket siraragsac a nagtuloy iti dalanna.

Taga-Galacia 4:26

Ngem ti Jerusalem sadi ngato agwayawaya; isu nga inatayo.

Paltiing 1:10

Siac addaac idi iti Espiritu, iti aldaw ti Apo, ket nangngegco iti licudac ti maysa a dackel ti timec, a cas la iti uni ti tangguyob.

Paltiing 11:2

Ket ti paraangan iti ruar ti Templo, lacsidem, ket dica rucuden; ta naiteden cadagiti gangannaet ket ipayatdanto ti nasantoan a ciudad cadagiti uppat a pulo ket dua a bulan.

Paltiing 17:3

Ket impannac babaen iti Espiritu iti maysa a let-ang; ket nakitac idiay ti maysa a babai a nagsacay iti maysa nga animal a nalabaga, a napno cadagiti nagnagan a tabbaaw, nga addaan pito nga olo ken sangapulo a sara.

Paltiing 21:2

Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Paltiing 3:12

Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Paltiing 4:2

Naigiddato nga naaddaac iti Espiritu: ket adtoy ti maysa a trono a naisaad sadi langit, ket idi trono adda maysa a situtugaw;