Paltiing 21:1 - Ti Biblia (1973)

¹ Ket nakitac ti maysa a langit a baro ken maysa a daga a baro; ta daydi immuna a langit ken daydi immuna a daga napalabasdan, ket ti baybay awanen.

Ti Baro a Naimbag a Damag Biblia

¹ Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Paltiing 21:1 Iomraidhean Croise

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Isaias 51:11

Ket dagiti sinubbot ni Jehova agsublidanto, ken umayda nga agcancanta agingga iti Sion; ket ti agnanayon a rag-o; agtaengto iti rabaw dagiti oloda: magunuddanto ti ragsac ken rag-o: ket ti ladingit ken sainnec agtalawdanto.

Isaias 57:20

Ngem dagiti nadangkes casda la iti mariribuc a taaw; ta dina mabalin ti aglinac ket dagiti danumna mangipurruacda iti pitac ken lued.

Isaias 66:22

Ta cas cadagiti babbaro a langlangit ken baro a daga, nga aramidecto, agtalinaeddanto iti saclangco, cuna ni Jehova, castanto ti panagtalinaed dagiti putotyo ken naganyo.

Daniel 7:3

Ket uppat nga animal a dadackel ken nagdudumada simmang-atda iti taaw.

Taga-Roma 8:21

A ti met laeng sangaparsuaan maluc-atanto iti pannacaadipen ti panagrupsa, a maipaay iti nadayag a wayawaya dagiti annac ti Dios.

2 Pedro 3:10

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyugen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.

2 Pedro 3:13

Ngem cas mayannurot iti carina, datayo urayentayo dagiti babbaro a langlangit ken ti maysa a daga a baro, isuda a pagtaengan ti kinalinteg.

Paltiing 13:1

Ket siac nagtactacderac iti cadaratan iti igid ti baybay. Ket nacakitaac ti maysa nga animal a sumang-at manipud idi baybay, isu nga adda sangapulo a sarana ken pito nga olona, ket iti rabaw dagidi sarsarana, sangapulo a balangat, ket idi rabaw dagidi ol-olona, dagiti nagnagan ti tabbaaw.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 21:5

Ket daydi situtugaw idi trono kinunana: Adtoy pagbalinec a babbaro dagiti isu-amin a banbanag. Ket kinunana: Isuratmo: ta dagitoy a sasao papatien ken napudnoda.

Paltiing 6:14

Ket ti langit nailisi a cas la maysa a pagbasaan no malucot; ket isu-amin a bantay ken puro mayalisda cadagiti dissoda.