Paltiing 20:8 - Ti Biblia (1973)

⁸ Ket rummuarto tapno allilawenna dagiti pagpagarian nga adda cadagiti uppat a suli ti daga, da Gog ken Magog, tapno urnongenna ida a maipaay iti gubat: ti bilangda cas cadagiti darat ti baybay.

Ti Baro a Naimbag a Damag Biblia

⁸ Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.

Paltiing 20:8 Iomraidhean Croise

1 Ar-ari 4:20

Ket ti Juda ken ti Israel aduda a cas cadagiti darat nga adda iti igid ti baybay iti kinaruay, a mangmanganda, ken agiinumda ken agragragsacda.

2 Cronicas 18:21

Ket isu simmungbat, Siac rumuaracto, ket agbalinacto a maysa a naulbod nga espiritu iti ngiwat ti amin dagiti mammadtona. Ket isu kinunana, Siac allilawem, ket isu pagballigiem met: rumuarca, ket aramidem ti casta.

Isaias 10:22

Ta uray no ti ilim nga Israel, casda la cadagiti darat ti baybay, ti laeng matda cadacuada ti agsublinto: maysa a pannacadadael maikeddeng, nga agliplippias iti kinalinteg.

Jeremias 33:22

Cas iti buyot idiay langit a saan a mabilang, casta met ti darat ti baybay a di masucat; castanto ti panangpaaduc iti capuonan ni David nga adipenco, ken cadagiti Levitas nga agannong caniac.

Ezekiel 38:1

Ket ti sao ni Jehova dimteng caniac, a kinunana,

Ezekiel 38:2

Anac ti tao, isangom dayta rupam idiay Gog, iti daga ti Magog, ti principe ti Ros, Mesec, ken Tubal, ket agipadtoca a maibusor kencuana,

Ezekiel 39:1

Ket sica, anac ti tao, agpadtoca a maibusor ti Gog, ket cunam, Castoy ti cuna ni Apo Jehova: Adtoy, bumusorac kenca, O Gog, principe ti Ros, Mesec, ken Tubal:

Ezekiel 39:6

Ket mangibaonacto iti apuy idiay Magog ken cadagidiay agnaed a sitatalged cadagiti purpuro; ket mabigbigdanto a siac ni Jehova.

Ezekiel 7:2

Ket sica, anac ti tao, castoy ti cuna ni Apo Jehova iti daga ti Israel, Paggibusanen! ti panungpalna dumtengen cadagiti uppat a suli ti daga.

Hebreo 11:12

Gapuna met a dagiti cas la bitbituen ti caaduda, ket saanda a mabilang a cas la cadagiti darat nga adda iti igid ti baybay, nagtaudda iti maysa, ket daytoy cas la natayen, gapu iti kinalacayna.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 16:14

Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 20:10

Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.

Paltiing 20:3

Ket isu ingarangogongna iti abut a mangliwengliweng, ket inrikepanna ken sinelloanna ti rabawna, tapno dina allilawenen dagiti pagpagarian agingga iti maturpos dagiti sangaribo a tawen; ket inton maturpos daytoy, masapul a maluc-atan iti bassit a canito.

Paltiing 7:1

Ket calpasan daytoy, nacakitaac cadagiti uppat nga angel nga agtatacder cadagiti uppat a suli ti daga, a laplappedanda dagiti uppat nga angin ditoy daga, tapno awan ti angin nga agpuyupoy iti rabaw ti daga, wenno iti rabaw ti baybay wenno iti aniaman a cayo.

Uk-ukom 7:12

Ket dagiti Madianitas ken Amalecitas, ken amin dagiti annac a taga daya addada idi a naiwaras idiay lobong a casda la duddudon iti caaduda; ket dagiti camcamelloda saan a mabilang, a casda la dardarat iti igid ti baybay iti caaduda.

1 Samuel 13:5

Ket dagiti Filisteos naggigimongda a nagtitipon a makibacal iti Israel, tallopulo ribu a luglugan, ken innem a ribu a tattao a nagcacabayo, ken tattao a casda la iti darat nga adda iti igid ti baybay iti caadu: ket isuda simmang-atda, ket nagpacarsoda idiay Micmas, iti daya ti Bet-aven.