Paltiing 20:6 - Ti Biblia (1973)

⁶ Nagasat ken santo ti mairaman iti panagungar nga umuna: cadacuada awan pannacabalin ti maicadua nga ipapatay; no di ket isudanto dagiti papadi ti Dios ken ni Cristo, ket makipagaridanto kencuana bayat ti sangaribo a tawen.

Ti Baro a Naimbag a Damag Biblia

⁶ Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.

Paltiing 20:6 Iomraidhean Croise

Paltiing 1:6

Ket pinagbalinnatayo a maysa a pagarian ken papadi a maipaay iti Dios ken Amana, adda coma kencuana ti dayaw ken ti panagturay iti agnanayon nga awan inggana, Amen.

Paltiing 2:11

Ti adda pagdengngegna, denggenna coma ti cuna ti Espiritu cadagiti Iglesia. Ti agbal-liginto, saanto a maranggasan iti ipapatay a maicadua.

Paltiing 20:14

Ket ni patay ken ti Hades naitappuacda idi danaw nga apuy: daytoy ti maicadua nga ipapatay, ti danaw nga apuy.

Paltiing 5:10

Ket pinagbalinmo ida a maipaay iti Diostayo a pagarian ken papadi; ket agarida iti rabaw ti daga.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Taga-Roma 8:17

Ket no annac, agtawid met, agtawid iti Dios, ken makipagtawid ken Cristo, no casta makipagsagabatayo kencuana, tapno makipaggloriatayo met kencuana.

Daniel 12:12

Nagasat ti aguray, ken macagteng iti sangaribu tallo gasut ket tallopulo ket lima nga aldaw.

Paltiing 22:7

Adtoy, siac umayac iti madaras. Nagasat daydiay mangsalimetmet cadagiti sasao ti padto daytoy a pagbasaan.

Paltiing 14:13

Ket nangngegco ti maysa a timec a naggapu iti langit nga agcuncuna caniac: Isuratmo: Nagasat dagiti natay a matay iti Apo, manipud ita nga agnanayon: Wen, cuna ti Espiritu; tapno aginanada cadagiti banbannogda, ta dagiti aramidda sumursurotda cadacuada.

Taga-Roma 12:1

Dawatec ngarud cadacayo, cacabsat, gapu cadagiti caasi ti Dios nga ipaayyo dagiti bagbagiyo, cas daton a sibibiag, nasantoan ken macaay-ayo iti Dios; isu a panagdayawyo a naespirituan.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

1 Pedro 2:5

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.

San Lucas 14:15

Ket idi mangngeg daytoy ti maysa a nakisango iti panganan, kinunana kencuana: Nagasat ti manganto ti tinapay idiay pagarian ti Dios.

Isaias 61:6

Ngem dacayo managanancayto papadi ni Jehova; dagiti tattao naganendacayto ministros ti Diostayo: canenyonto dagiti sanicua dagiti nasnacion, ken iti dayagda maitan-occayto.

Isaias 4:3

Ket maaramidto, a ti mabati idiay Sion, ken ti matda idiay Jerusalem, managananto a nasantoan, ti tumunggal maysa a naisurat cadagiti agbibiag idiay Jerusalem;

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 22:5

Ket awanton ti rabii; ket dida masapul ti lawag ti pagsilawan, wenno ti lawag ti init: ta ni Apo Dios lawaganna ida: ket agaridanto iti awan inggana.