Paltiing 20:4 - Ti Biblia (1973)

⁴ Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Ti Baro a Naimbag a Damag Biblia

⁴ Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 20:4 Iomraidhean Croise

Daniel 2:44

Ket cadagiti al-aldaw dagita nga ar-ari, ti Dios ti langit mamangonto iti maysa a pagarian nga caanoman dinto madadael ket ti panagturayna dinto met maited iti sabali nga ili; ngem burakennanto ken ibusennanto amin dagitoy a pagpagarian, ket isu agtalinaedto iti agnanayon.

Daniel 7:18

Ngem dagiti sasanto ti Cangatoan awatendanto ti pagarian, ket tagicuaendanto ti pagarian iti agnanayon, iti met laeng agnanayon nga awan inggana.

Daniel 7:22

Agingga iti immay ti dati a lacay, ket ti panangocom naited cadagiti sasanto ti Cangatoan; ket dimteng ti pannawen a dagiti sasanto tinagicuada ti pagarian.

Daniel 7:27

Ket iti pagarian ken panagturay, ken iti kinadackel dagiti pagpagarian iti babaen ti amin a langit maiteddanto cadagiti il-ili dagiti sasanto ti Cangatoan: ti pagarianna agnanayon a pagarian, ket amin a pagturayan agservi ken agtulnogdanto kencuana.

Daniel 7:9

Binuybuyac agingga iti naisaad dagiti trono, ket ti dati a lacay nagtugaw: ti cawesna napudaw a cas la nieve, ket ti booc ti olona, cas la nadalus a dutdot ti carnero; ti tronona sumsumged a gilgilayab, ket dagiti pilpilidna apuy a dumardarang.

Malakias 4:5

Adtoy, nga ibaonconto cadacayo ni Elias a mammadto iti sacbay ti iyaay ti dackel ken nacakigkigtot nga aldaw ni Jehova.

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 24:10

Ket iti dayta adunto dagiti maitibcol, ken agpipinnadakesto ti maysa ken maysa; ket aggugurangguranto ti maysa ken maysa.

San Marcos 6:16

Ngem idi nangngeg ni Herodes, kinunana: Isu ni Juan a pinutulac; isu nagungar.

San Marcos 6:27

Ket nangibaon a dagus ti maysa cadagiti guardiana ket pinaiyegna ti ulo ni Juan. Ket daytoy napan ket isu pinutulanna idiay pagbaludan;

San Marcos 9:11

Ket inintuudda kencuana a kinuna; Apayapay cuna dagiti escriba a ni Elias rebbengna ti umay nga umun-una?

San Lucas 1:17

Ket isu mapanto iti masangoananna iti espiritu ken pannacabalin ni Elisas, tapno pasublienna dagiti puspuso dagiti amma cadagiti annac ket dagiti nasungit iti kinasirib dagiti nasingpet, tapno isaganaanna ti maysa nga Ili nga awan pagcuranganna a maipaay iti Apo.

San Lucas 14:14

Ket nagasatcanto: ta awan ti maisupapacda kenca; ta magonggonaancanto inton panagungar dagiti nalinteg.

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

Taga-Roma 11:15

Ta no ti pannacapagtalawda isu ti pannakicappia ti lubong, anianto ti pannacaawatda, no di biag cadagiti natay.

Taga-Roma 8:17

Ket no annac, agtawid met, agtawid iti Dios, ken makipagtawid ken Cristo, no casta makipagsagabatayo kencuana, tapno makipaggloriatayo met kencuana.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Paltiing 1:2

Isu a namanecnec iti sao ti Dios ken iti pammanecnec ni Jesu-Cristo, cas cadagiti isu-amin a nakitana.

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 11:11

Ket idi calpasan dagidi tal-lo nga aldaw ket guddua, daydi anges ti biag, a naggapu iti Dios, simrec cadacuada, ket timmacderda; babaen cadagiti sacsacada; ket nagbutengda iti napalalo dagiti nacakita itoy.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.

Paltiing 11:7

Ket no inton malpasda ti panangsacsidan, ti animal nga umuli nga aggapu iti mangliwengliweng gubatennanto ida, ket abakennanto ida, ket papatayenna ida.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 14:11

Ket ti asuc ti tutuocda agpangpangato iti agnanayon; ket awan ti panaginanada iti aldaw ken rabii dagiti agrucbab iti animal ken iti ladawanna ken uray siasino nga umawat iti marca ti naganna.

Paltiing 15:2

Ket nacakitaac iti maysa a cas la baybay a sarming a nalaocan ti apuy; ket dagidiay nagbal-ligi iti daydi animal ken ti ladawanna, ken ti bilang ti naganna, agtatacderda iti igid daydi baybay a sarming nga addaanda cadagiti arpa ti Dios.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 2:26

Ket ti agbal-ligi ken mangsalimetmet cadagiti aramidco agingga iti panungpalan, itdecto kencuana iti panagturay cadagiti pagpagarian:

Paltiing 20:6

Nagasat ken santo ti mairaman iti panagungar nga umuna: cadacuada awan pannacabalin ti maicadua nga ipapatay; no di ket isudanto dagiti papadi ti Dios ken ni Cristo, ket makipagaridanto kencuana bayat ti sangaribo a tawen.

Paltiing 22:5

Ket awanton ti rabii; ket dida masapul ti lawag ti pagsilawan, wenno ti lawag ti init: ta ni Apo Dios lawaganna ida: ket agaridanto iti awan inggana.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.

Paltiing 4:4

Ket iti aglicmut di trono adda duapulo ket uppat a trono, ket dagiti trono agtutugaw dagiti duapulo ket uppat a lallacay a nagcawes cadagiti pagananay a puraw; ket cadagiti ol-oloda adda balbalangat a balitoc.

Paltiing 6:9

Ket idi linuctanna ti maicalima a sello, nakitac iti siroc ti altar dagiti carcararua dagiti napapatay idi gapu iti sao ti Dios, ken gapu iti pammanecnec a tinaginayonda:

Paltiing 7:3

A cunana: Dicay ranggasan ti daga ken castamet ti baybay wenno dagiti caycayo, agingga iti dicam maselloan dagiti adipen ti Diostayo cadagiti mugmuginda.