Paltiing 20:3 - Ti Biblia (1973)

³ Ket isu ingarangogongna iti abut a mangliwengliweng, ket inrikepanna ken sinelloanna ti rabawna, tapno dina allilawenen dagiti pagpagarian agingga iti maturpos dagiti sangaribo a tawen; ket inton maturpos daytoy, masapul a maluc-atan iti bassit a canito.

Ti Baro a Naimbag a Damag Biblia

³ Intappuakna iti nakaun-uneg a yuyeng. Rinikpan ken tinimbreanna ti wangawangan tapno saan a makaruar ti dragon ken mangallilaw kadagiti pagilian. Inton aggibus ti 1,000 a tawen, masapul a mawayawayaan iti apagbiit a tiempo.

Paltiing 20:3 Iomraidhean Croise

Dagiti Salmo 90:4

Ta dagiti sangaribu a tawen iti sangoanam cas laeng iti maysa a calman no nacalabasen, ken cas maysa a panagpuyat iti rabii.

Daniel 6:17

Ket maysa a bato nayeg ket naicabil iti ngiwat ti rukib; ket ti ari sinelloanna iti bucodna a sello, ken iti sello dagiti panguloenna; tapno awan coma ti aniaman a mabaliwan a maipapan ken Daniel.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

San Mateo 27:66

Gapuna a napanda, ket nangicabilda ti agbantay iti tanem, a tinembrianda pay daydi bato.

San Marcos 4:15

Dagiti adda iti dinna ti dalan, isuda dagiti nacaimulaan ti sao; ket calpasan ti pannacangngegda, umay a dagus ni Satanas ket iccatenna ti sao a naimula cadacuada.

San Lucas 8:31

Ket dawdawatenda kencuana a dina coma ibaon ida a mapan iti yuyeng.

2 Taga-Corinto 11:3

Ngem maamacac, di la ket ta cas iti panangulbod daydi uleg ken Eva iti kinasicapna, casta met dagiti panunotyo madadaelda, ken maisinada iti nadalus a singgalut a maipaay ken Cristo.

2 Pedro 3:8

Ngem dicay lipatan ay-ayaten, daytoy banag a maisup-supadi, a ti maymaysa nga aldaw iti Apo cas la sangaribo a tao-en, ket ti sangaribo a tao-en cas la maymaysa nga aldaw.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 20:1

Ket nakitac ti maysa nga angel a bumaba nanipud langit, nga adda kencuana daydi tulbec ti mangliwengliweng nga abut ken ti maysa a dackel a cawar, iti imana.