Paltiing 20:12 - Ti Biblia (1973)

¹² Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Ti Baro a Naimbag a Damag Biblia

¹² Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:12 Iomraidhean Croise

Dagiti Salmo 28:4

Itdem cadacuada ti catutopan ti gapuananda, ken catutopan ti kinadangkes dagiti panagaramidda: Itdem cadacuada cas iti panagaramid ti im-imada; ipaaymo cadacuada ti caicarianda.

Dagiti Salmo 62:12

Casta met a biangmo, O Apo, ti kinamanagayat; ta sica itdem iti tunggal tao ti mayannatup iti aramidna.

Dagiti Salmo 69:28

Mapunasda coma iti libro ti biag, ket saanda a mailista cadagiti nalinteg.

Dagiti Proverbio 24:12

No cunam, Adtoy, dicami naammoam daytoy; saan aya nga isisipen ti mangganting cadagiti puspuso? Ket ti mangsalimetmet ita cararuam, dina aya ammo? Ket dinanto aya isupapac iti tunggal tao ti caanatop ti aramidna?

Dagiti Proverbio 24:29

Dica cunaen, aramidecto kencuana cas ti inaramidna caniac; isupapacconto iti tao ti mayanatop iti aramidna.

Eclesiastes 12:14

Ta ti Dios iyegnanto ti tunggal aramid iti pannacaocom, agraman tunggal nailemmeng a banag, no isu naimbag, wenno dakes.

Jeremias 17:10

Siac, ni Jehova, sukisukec ti isip, suutec ti puso, tapno itedco met laeng iti tunggal tao ti cas mainugot cadagiti dalanna, ti cas maiyalubog iti bunga dagiti gapuananna.

Jeremias 32:19

Dackel a mamatigmaan, ken mannacabalin iti panagaramid; dagiti matana silulucatda cadagiti amin a daldalan dagiti annac dagiti tattao, tapno mangted iti tunggal maysa ti mayannurot cadagiti dalanna, ken mayannurot iti bunga dagiti aramidna;

Daniel 7:10

Maysa nga umap-apuy nga ayus timpuar ken rimmuar iti sangona: rinibribu a ribu dagiti nagservi kencuana, ket sangalacsa a lacsa ti nagtatacder iti saclangna: ti panangocom naikeddeng, ket dagiti liblibro naluctanda.

San Mateo 11:22

Ngem cunac cadacayo, a nalaglag-anto ti dusa ti Tiro ken Sidon iti aldaw ti pannacaocom, ngem cadacayo.

San Mateo 16:27

Ta ti Anac ti tao umayto agraman iti dayag ni Amana ken dagiti angelna: ket iti dayta gungunaannanto ti tunggal maysa cas cadagiti aramidna.

San Lucas 10:20

Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

Dagiti Aramid 24:15

Nga adda inanamac iti Dios, a cas ti pananginanama met laeng dagitoy, nga addanto panagungar dagiti nalinteg ken dagiti nakil-lo.

Taga-Roma 2:6

Isu a manggonggonanto iti tunggal maysa iti maitutop cadagiti ar-aramidna:

1 Taga-Corinto 4:5

Iti casta ngarud awan coma ti ocomenyo no dina pay pannacaipaay, agingga iti umay ti Apo; isu a mangipanayagto iti lawag cadagiti nailemmeng a banag dagiti sipnget, ket iparangarangnanto dagiti panagem dagiti puspuso; ket iti dayta addanto dayaw iti tunggal maysa iti Dios.

2 Taga-Corinto 5:10

Ta masapul a datay amin maiparangarangtayto iti pangocoman ni Cristo; tapno tunggal maysa awatenna dagiti supapac ti inaramidna babaen ti bagina, naimbag man wenno dakes.

Taga-Filipos 4:3

Ket dawatec kenca met, matalec a catulongan, a tulungam coma dagitoy a babbai, isuda a nakipagbannog caniac iti evangelio, agraman met ken Clemente, ken cadagiti dadduma pay a catulongac, a dagiti nagnaganda addada iti libro ti biag.

Paltiing 11:18

Ket nacapungtot dagiti pagpagarian, ket dimtengen ti pungtotmo, ken ti aldaw dagiti natay a maipaay iti pannacaocom, ken ti pannacaited ti gonggona cadagiti adipenmo a mammadto ken cadagiti sasanto, ken cadagiti agbuteng iti naganmo, babassit ken dadackel, ken ti panangdadael dagiti mangrebbec iti daga.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 19:5

Ket manipud iti trono rimmuar ti maysa a timec, a cuncunana: Dayawenyo ti Diostayo, dacayo amin nga ad-adipenna dacayo nga agbuteng kencuana babassit ken dadackel.

Paltiing 2:23

Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 20:13

Ket ti baybay inyawatna dagiti natay nga addada kencuana, ket ni patay ken ti Hades inyawatda dagiti natay nga adda idi cadacuada: ket naocomda tunggal maysa cas mayannurot cadagiti aramidna.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.

Paltiing 22:12

Adtoy, siac umayac a dagus; ket ti panggongona adda caniac, tapno gongonaac ti tunggal maysa cas mayannatup iti aramidna.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.