Paltiing 2:9 - Ti Biblia (1973)

⁹ Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.

Ti Baro a Naimbag a Damag Biblia

⁹ Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 2:9 Iomraidhean Croise

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Lucas 12:21

Castoy ti agurnong ti gamgameng a maisagana kencuana, ket saan a nabacnang iti Dios.

San Lucas 22:65

Ket adu pay ti sabali nga insaoda a nacas-ang a pangab-abida kencuana.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

San Lucas 6:20

Ket isu intannawagna dagiti matana cadagiti adalanna, ket kinunana: Nagasatcayo a napanglaw, ta cucuayo ti pagarian ti Dios.

San Juan 16:33

Dagitoy insaoc idi cadacayo, tapno adda coma talnayo caniac: ditoy lubong addanto rigatyo: ngem manginanamacayo, siac pinarmecco ti lubong.

Dagiti Aramid 14:22

A pinatibkerda dagiti cararua dagiti adalan, a binagbagaanda ida nga agtalinaedda iti pammati, ket kinunada a masapul a lasatentayo dagiti adu a rigrigat iti iseserrectayo iti pagarian ti Dios.

Dagiti Aramid 26:11

Ket naminadu nga idi madama a dusdusaec ida cadagiti isu-amin a sinagoga, pinilitco ida nga agtabbaaw ken Jesus; ket sipupungtotac unay cadacuada, indadanesco ida agingga cadagiti Ilili a gangannaet.

Taga-Roma 12:12

Naragsac iti pananginanama, managitured iti rigat, managtalinaed iti panagcararag;

Taga-Roma 2:17

Ngem no managanca a Judio, ket agtalecca iti linteg, ket agpasindayawca iti Dios,

Taga-Roma 5:3

Ket saan laeng a daytoy; no di ket agrag-otayo met cadagiti rigrigattayo nga ammotayo a ti rigat pataudenna ti anus:

Taga-Roma 8:35

Siasino ti mangisinanto cadatayo iti ayat ni Cristo? tinto ladingit? wenno ti rigat? ti pannakaidadanes? wenno ti bisin? wenno ti kinalamolamo? wenno ti peggad? wenno ti campilan?

Taga-Roma 9:6

Ngem saan a cas la awan banagna ti sao ti Dios; ta saan nga amin a nagtaud iti Israel, Israelitasda:

2 Taga-Corinto 6:10

Cas la naladingit, ngem agnanayon a siraragsac; cacas la napanglaw, ngem pabacnangenmi dagiti adu; a cas la awanancami ti uray ania, ngem cupicupanmi dagiti isu-amin a banbanag.

2 Taga-Corinto 8:2

Nupay addada iti dackel a pannacasuut iti rigat, ti cawadwad ti rag-oda ken ti nauneg a kinapanglawda naglaplapusanda a maipaay iti kinabacnang ti nasayaat a nakemda.

2 Taga-Corinto 8:9

Ta ammoyo ti parabur ni Apotayo a Jesu-Cristo, nga idinto a nabacnang, gapu cadacayo nagbalin a napanglaw, tapno dacayo, gapu iti kinapanglawna, bumacnangcayo coma,

1 Taga-Tesalonica 3:4

Ta uray idi addacami cadacayo, impacpacaunami cadacayo nga agsagabatayto ti rigat; cas naaramid, a pagaammoyo.

1 Timoteo 1:13

Idinto nga idi punganay, managtabbaaw ken manangidadanes ken manamarparigatac; nupay casta nacugon-odac ti asi agsipud ta inaramidco a diac am-ammo idi diac pay namati;

1 Timoteo 6:18

Nga agaramidda coma iti naimbag, a nabacnangda coma cadagiti naimbag nga aramid, a managparanudda, a nalacada a makipagricna;

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 2:13

Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Paltiing 2:2

Siac ammoc dagiti aramidmo, ken ti panagbannogmo ken ti anusmo; ken ti dica pannacaibtor cadagiti dakes a tattao, ket sinuutmo dagiti mangnagnagan cadagiti bagbagida nga apostol, ket saanda met nga apostol ket nasaracam ida a naulbod;

Paltiing 2:24

Ngem cunac cadacayo, ken cadagiti sabsabali idiay Tiatira, dagup dagidiay awanan itoy a sursuro, a dida naammoan dagiti banbanag a nauneg ni Satanas cas naganenda. Diac ipabaclay cadacayo ti sabali nga awit.

Paltiing 3:9

Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

Paltiing 7:14

Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket binuggoanda dagiti pagananayda, ket pinapudawda ida iti dara ti Cordero.