Paltiing 2:25 - Ti Biblia (1973)

²⁵ Nupay casta ti adda cadacayo salimetmetanyo a naimbag, agingga iti umayac.

Ti Baro a Naimbag a Damag Biblia

²⁵ Ngem masapul a pagtalinaedenyo a natibker ti adda kadakayo agingga iti yaayko.

Paltiing 2:25 Iomraidhean Croise

San Juan 14:3

Ket no innac coma ket isaganaancayto ti pagianan, umayacto manen, ket icuyogcayto caniac met laeng: tapno no adino ti yanco, addacay met coma.

Dagiti Aramid 11:28

Ket timmacder ti maysa cadacuada, a managan Agabo ket impacaammona gapu iti Espiritu, nga addanto maysa a dackel a bisin iti amin a lubong: isu a naaramid cadagidi aldaw ni Claudio.

Taga-Roma 12:9

Ti ayat awan coma ti ulbodna: guraenyo ti dakes, salimetmetanyo ti naimbag.

1 Taga-Corinto 11:26

Ta no masansan a canenyo daytoy, a tinapay ken uminumcayo iti copa, iwarragawagyo ti ipapatay ti Apo, agingga ti yaayna.

1 Taga-Corinto 4:5

Iti casta ngarud awan coma ti ocomenyo no dina pay pannacaipaay, agingga iti umay ti Apo; isu a mangipanayagto iti lawag cadagiti nailemmeng a banag dagiti sipnget, ket iparangarangnanto dagiti panagem dagiti puspuso; ket iti dayta addanto dayaw iti tunggal maysa iti Dios.

1 Taga-Tesalonica 5:21

Suutenyo amin; salimetmetanyo a sititibker ti naimbag;

Hebreo 10:23

Salimetmetantayo coma a sititibker ti panangipaduyacyac ti inanamatayo tapno di agisin (ta mapagtalcan daydiay nagcari):

Hebreo 3:6

Ngem ni Cristo cas maysa nga anac nga agaywan iti balayna; ket datayo ti balayna, no taginayonentayo ti bilegtayo ken ti ragsac ti pananginanamatayo, agingga iti panungpalan.

Hebreo 4:14

Idinto ngarud ta addaantayo ti maysa a dackel a cangatoan a padi, a limmabas cadagiti langlangit, ni Jesus, nga Anac ti Dios, salimetmetantayo coma a sititibker ti pammatitayo.

2 Pedro 3:10

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyugen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.

Paltiing 1:7

Adtoy isu umay a buyugen dagiti ululep ket makitanto dagiti isu-amin a matmata, ken castamet dagidi nangduyuc kencuana; ket dagiti isu-amin a capcaputotan ditoy daga agdung-awdanto gapu kencuana. Casta coma; Amen.

Paltiing 22:20

Ti mangsacsi cadagitoy a banbanag, cunana: Wen siac umayac a dagus. Amen! Umayca, Apo Jesus!

Paltiing 22:7

Adtoy, siac umayac iti madaras. Nagasat daydiay mangsalimetmet cadagiti sasao ti padto daytoy a pagbasaan.

Paltiing 3:11

Siac umayac iti madaras; salimetmetam a sititibker ti adda kenca, tapno awan ti mangala iti balangatmo.

Paltiing 3:3

Lagipem ngarud no casano ti panangawat ken panagdengngegmo; ket aywanam, ket agbabawica. No saancanto ngarud nga agsalucag, umayacto a cas la mannanacaw, ket dicanto ammo no ania nga horas ti iyaayco kenca.