Paltiing 2:13 - Ti Biblia (1973)

¹³ Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Ti Baro a Naimbag a Damag Biblia

¹³ Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:13 Iomraidhean Croise

San Mateo 10:23

Ngem intono idadanesdacayo iti maysa nga ili pumanawcayo a mapan iti sabali: ta pudno cunac cadacayo a dicayto pay la napagna dagiti ciudad ti Israel, dimtengton ti Anac ti tao.

San Mateo 24:9

Iti dayta iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco.

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Lucas 21:17

Ket caguradacayto dagiti amin a tao gapu iti naganco.

Dagiti Aramid 22:20

Ket idi maiparucpoc ti dara ni Esteban a sacsim, addaac met a sisasango, ket inanamungac, ket inaywanac idi dagiti pagananay dagidi namapatay kencuana.

Dagiti Aramid 9:14

Ket uray ditoy, adda palubos dagiti panguloen dagiti papadi a mangparaut cadagiti isu-amin nga umawag iti naganmo.

1 Taga-Tesalonica 5:21

Suutenyo amin; salimetmetanyo a sititibker ti naimbag;

1 Timoteo 5:8

Ngem no adda saan a mangtaraon cadagiti adda iti aywanna, ket nangrona dagiti cabbalayna met laeng, naglicudanna ti pammati, ket dacdakes ngem iti saan a mammati.

2 Timoteo 1:13

Salimetmetam a pagwadan dagiti nasayaat a sao a nangngegmo caniac iti pammati ken ayat nga adda ken Cristo Jesus.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Hebreo 10:23

Salimetmetantayo coma a sititibker ti panangipaduyacyac ti inanamatayo tapno di agisin (ta mapagtalcan daydiay nagcari):

Hebreo 3:6

Ngem ni Cristo cas maysa nga anac nga agaywan iti balayna; ket datayo ti balayna, no taginayonentayo ti bilegtayo ken ti ragsac ti pananginanamatayo, agingga iti panungpalan.

Santiago 2:7

Dida aya tabbaawan daydiay nadayaw a nagan a pacanagananyo?

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 13:2

Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.

Paltiing 14:12

Daytoy ti kinaanus dagiti sasanto, nga salimetmetanda dagiti bilbilin ti Dios, ken ti pammati ken Jesus.

Paltiing 17:14

Dagitoy gubatendanto ti Cordero; ket ti Cordero abakennanto ida, ta isu ti Apo dagiti ap-apo, ken Ari dagiti ar-ari, ket dagiti maicuyog kencuana, isuda dagiti maayaban ken mapili ken mapagtalcan.

Paltiing 17:6

Ket nakitac daydi babai a nabartec iti dara dagiti sasanto ken iti dara dagiti sacsi ni Jesus. Ket idi a nakitac, nagsiddaawac iti dackel a pannacasdaaw.

Paltiing 2:2

Siac ammoc dagiti aramidmo, ken ti panagbannogmo ken ti anusmo; ken ti dica pannacaibtor cadagiti dakes a tattao, ket sinuutmo dagiti mangnagnagan cadagiti bagbagida nga apostol, ket saanda met nga apostol ket nasaracam ida a naulbod;

Paltiing 3:11

Siac umayac iti madaras; salimetmetam a sititibker ti adda kenca, tapno awan ti mangala iti balangatmo.

Paltiing 3:3

Lagipem ngarud no casano ti panangawat ken panagdengngegmo; ket aywanam, ket agbabawica. No saancanto ngarud nga agsalucag, umayacto a cas la mannanacaw, ket dicanto ammo no ania nga horas ti iyaayco kenca.