Paltiing 19:9 - Ti Biblia (1973)

⁹ Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Ti Baro a Naimbag a Damag Biblia

⁹ Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 19:9 Iomraidhean Croise

Isaias 8:1

Ket kinuna ni Jehova caniac, Mangalaca iti dackel a tapi, ket suratam iti rabawna iti pluma ti tao, Agpaay ken Maher-salal-hash-baz;

Habakuk 2:2

Ket ni Jehova simmungbat caniac, ket kinunana, Isuratmo ti sirmata, ket aramidem a nabatad cadagiti tapi, tapno napardas coma a basaen.

San Lucas 22:16

Ta cunac cadacayo a diacto manganen agingga iti matungpal ti pagarian ti Dios.

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

1 Timoteo 4:9

Papatien daytoy a sao, ket maicari nga awaten dagiti isu-amin.

2 Timoteo 2:11

Pudno daytoy a sao: Ta no nataytayo a naicanunong kencuana, agbiagtayo met a mairanud kencuana:

Tito 3:8

Mapapati daytoy a sao; ket no maipapan cadagitoy a banbanag, tarigagayac nga ipapatim, a sitatalged tapno dagiti namati iti Dios rumegtada a mangaramid cadagiti naimbag nga ar-aramid. Dagitoy a banbanag nasayaatda ken macaited ti gonggona cadagiti tattao:

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 1:19

Isuratmo, ngarud dagiti banbanag a nakitam ken dagiti adda ita, ken dagiti mapasamacto calpasan dagitoy:

Paltiing 10:4

Ket idi a dagidi pito a gurrood nagunidan innac coma agsurat, ket nangngegco ti maysa a timec a naggapu sadi langit a nagcuna: Selloam dagiti banag a binalicas dagiti pito a gurrood, ket dica isurat ida.

Paltiing 14:13

Ket nangngegco ti maysa a timec a naggapu iti langit nga agcuncuna caniac: Isuratmo: Nagasat dagiti natay a matay iti Apo, manipud ita nga agnanayon: Wen, cuna ti Espiritu; tapno aginanada cadagiti banbannogda, ta dagiti aramidda sumursurotda cadacuada.

Paltiing 17:1

Ket ti maysa cadagidi pito nga angel nga addaan cadagidi pito a malocong, immay ket nakisao caniac, a cunana: Umayca ditoy; ipakitacto kenca ti pannacaocom ti dackel a balangcantis, nga adda a nagtugaw iti rabaw dagiti adu a dandanum;

Paltiing 17:17

Ta ti Dios incabilna cadagiti puspusoda ti panagaramidda iti pakinakemna ken panagsangsangcanakemda, ken ti panangtedda iti pagarianda idiay animal, agingga iti matungpal coma dagiti sao ti Dios.

Paltiing 2:1

Isuratmo iti angel ti Iglesia sadi Efeso: Dagitoy a banbanag cuna ti agig-iggem cadagiti pito a bituen iti macanawanna, ken magna iti tengnga dagiti pito a pagsilawan a nabalitocan:

Paltiing 2:12

Ket isuratmo iti angel ti Iglesia sadi Pergamo: Dagitoy a banbanag cuna ti agig-iggem iti natarumamis a campilan a dua ti tademna:

Paltiing 2:18

Ket isuratmo iti angel ti Iglesia sadi Tiatira: Dagitoy a banbanag cuna ti Anac ti Dios, isu nga adda matana a cas la darang ti apuy, ket dagiti sacsacana cas la bronce a napasileng:

Paltiing 2:8

Ket isuratmo iti angel ti Iglesia ti Smirna: Dagitoy a banbanag cuna ti umuna ken ti camaudianan, daydi natay, ket nagbiag manen:

Paltiing 21:5

Ket daydi situtugaw idi trono kinunana: Adtoy pagbalinec a babbaro dagiti isu-amin a banbanag. Ket kinunana: Isuratmo: ta dagitoy a sasao papatien ken napudnoda.

Paltiing 22:6

Ket kinunana caniac: Dagitoy a sasao papatien ken napudnoda: ket ti Apo, daydi Dios dagiti espiritu dagiti mammadto, imbaonna daydi angelna, tapno ipakitana cadagiti ad-adipenna dagiti banbanag a maipapilit a mapasamac iti mabiit.

Paltiing 3:1

Ket isuratmo iti angel ti Iglesia sadi Sardis Dagitoy: a banbanag cuna ti addaan cadagiti pito nga Espiritu ti Dios ken dagiti pito a bituen: Siac ammoc dagiti ar-aramidmo, a managananca sibibiag, ket natayca.

Paltiing 3:14

Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 3:20

Adtoy, siac addaac nga agtactacder iti ruangan, ket agtugtugac; no adda dumngegto iti timecco ket luctannanto ti ruangan, sumrecacto kencuana, ket makipanganacto kencuana, ket isu, caniac.

Paltiing 3:7

Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat: