Paltiing 19:6 - Ti Biblia (1973)

⁶ Ket nangegco ti ariwawa ti cas la umariwecwec, ken cas la ungor dagiti adu a dandanum ken ti cas la uni ti napigsa a gurgurood, a cuncunada: Aleluya; ta agari ni Apo Dios, a Mannacabalin-amin.

Ti Baro a Naimbag a Damag Biblia

⁶ Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 19:6 Iomraidhean Croise

Ti Libro ni Job 40:9

Wenno adda aya maysa a tackiagmo a cas iti Dios? Ket macagurroodca aya iti maysa a timec a cas kencuana?

Dagiti Salmo 47:2

Ta ni Jehova a Cangatoan nacakigkigtot; isu ti naidaclan nga Ari iti amin a daga.

Dagiti Salmo 47:7

Ta ti Dios isu ti Ari ti amin a daga: cantaenyo dagiti panangidaydayaw a maawatanyo.

Dagiti Salmo 77:18

Ti uni ti gurroodmo nagallicubeng iti alipugpug; dagiti kimkimat sinilnaganda toy lubong: ti daga nagarigengen ket naggingined.

Dagiti Salmo 93:1

Ni Jehova agari; nacawesan iti kinadayag; ni Jehova nacawesan iti kinapigsa; isu ti imbarikesna: ti lubong naisimpa met, a saan a magaraw.

Dagiti Salmo 97:1

Ni Jehova agari; ti daga agragsac coma; agrag-o coma dagiti adu a purpuro.

Dagiti Salmo 97:12

Agrag-ocayo ken Jehova, dacayo a sililinteg; ket agyamancayo a pacalaglagipan iti nasantoan a naganna.

Dagiti Salmo 99:1

Ni Jehova agari; dagiti tattao agkintayegda coma: agtutugaw iti ngatoen dagiti Kerubin, ti daga aggarao coma.

Isaias 52:7

Naglibnosen cadagidiay banbantay dagiti sacsaca ti mangyeg cadagiti naimbag a damdamag, a mangiwarnac iti talna, a mangyeg cadagiti naimbag a damdamag ti kinaimbag, a mangiwarragawag iti pannacaisalacan, a cunana iti Sion, Ti Diosmo agari!

Jeremias 51:48

Iti casta dagiti langlangit, ken ti daga ken ti amin nga adda cadacuada agcantadanto gapu iti rag-o maipapan iti Babilonia; ta dagiti mangdadael umaydanto kencuana manipud iti amianan, cuna ni Jehova.

Ezekiel 1:24

Ket idi nagnada, nangngegco ti daranudor dagiti payacda a cas la daranudor dagiti dadackel a danum, a cas la timec ti Mannacabalin-amin; ti daranudor ti gulogulo a cas la daranudor ti buyot: idi simmardengda, imbabada dagiti payacda.

Ezekiel 43:2

Ket, adtoy, ti dayag ti Dios ti Israel immay nanipud iti dalan ti daya; ket ti timecna cas la ti daranudor dagiti adu a dandanum; ket ti daga nagraniag babaen ti dayagna.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

Paltiing 1:15

Ket dagiti sacsacana, umaspingda iti bronce a napasileng a cas la naguguran iti apuy ti pagpandayan; ket ti timecna cas la daranudor dagiti adu a dandanum.

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 12:10

Ket nangngegco ti maysa a dackel a timec sadi langit, nga cuncunana: Ita immayen ti pannacaisalacan ken ti pannacabalin ken ti pagarian ti Diostayo, ken ti panagturay ni Cristona; ta ti mangidardarum cadagiti cacabsattayo naitapuaken, daydiay mangidardarum cadacuada iti sangoanan ti Diostayo bayat ti aldaw ken rabii.

Paltiing 14:2

Ket nangngegco ti maysa a timec a naggapu iti langit, a cas la iti daranudor dagiti adu a dandanum, ken cas iti uni ti maysa a dackel a gurruod; ket daydi timec a nangngegco cas la timec dagiti agtoctocar cadagiti arpada.

Paltiing 19:1

Calpasan dagitoy, nangngegco ti maysa a dackel a timec a cas la ariwawa ti umariwecwec sadi langit a cuncunana: Aleluya Ti pacaisalacanan ken ti dayag ken ti pannacabalin cucua ti Diostayo:

Paltiing 19:4

Ket dagiti duapulo ket uppat a lallacay ken dagiti uppat a parsua a sibibiag, nagrucbabda ket nagdaydayawda iti Dios, nga adda a nagtugaw iti trono, a cuncunada: Amen; Aleluya.

Paltiing 21:22

Ket awan ti nakitac a templo kencuana; ta ni Apo Dios, a Mannacabalin-amin, ken daydi Cordero isuda ti templona.

Paltiing 4:5

Ket iti trono rumrummuar idi dagiti kimkimat, ken timtimec ken gurgurruod; ket adda idi pito a pagsilawan nga apuy a sumsumged iti sangoanan ti trono, nga isuda dagiti pito nga Espiritu ti Dios;

Paltiing 6:1

Ket nakitac idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

Paltiing 8:5

Ket daydi angel innalana daydi paginciensoan; ket pinunnona iti apuy di altar, ket imbellengna iti daga ket simmaruno dagiti gurgurrood, ririaw, ken kimkimat ken maysa a gingined.