Paltiing 19:5 - Ti Biblia (1973)

⁵ Ket manipud iti trono rimmuar ti maysa a timec, a cuncunana: Dayawenyo ti Diostayo, dacayo amin nga ad-adipenna dacayo nga agbuteng kencuana babassit ken dadackel.

Ti Baro a Naimbag a Damag Biblia

⁵ Adda nagsao manipud iti trono: “Dayawenyo ti Diostayo, dakay amin nga adipenna, dakay amin nga agdaydayaw kenkuana, natan-ok man wenno nanumo!”

Paltiing 19:5 Iomraidhean Croise

Dagiti Salmo 115:13

Bendicionannanto dagiti agbuteng ken Jehova, babassit man ken dadackel.

Dagiti Salmo 134:1

Matmatanyo, benditoenyo ni Jehova, dacayo amin nga ad-adipen ni Jehova, nga iti rabii agtaengcayo iti balay ni Jehova.

Dagiti Salmo 135:1

Idaydayawyo ni Jehova. Idaydayawyo ti nagan ni Jehova; idaydayawyo, O dacayo nga ad-adipen ni Jehova,

Dagiti Salmo 150:6

Amin nga adda angesna idaydayawda coma ni Jehova. Idaydayawyo ni Jehova.

Dagiti Salmo 22:23

Dacayo nga agbuteng ken Jehova, idaydayawyo; dacayo amin a bin-i ni Jacob, padayaganyo; ket agtacdercayo a siaamac kencuana, dacayo amin a bin-i ni Israel.

Paltiing 13:16

Ket pamarcaanna dagiti isu-amin, babassit ken dadackel, babacnang ken napanglaw, dagiti siwayawaya ken dagiti paad-adipen, tapno adda marca iti imada a macanawan wenno iti mugingda;

Paltiing 16:17

Ket daydi maicapito imbuyatna daydi malocongna iti angin; ket rimmuar ti maysa a dackel a timec idi templo manipud idi trono a cuncunana: Naaramiden!

Paltiing 19:18

Tapno canenyo ti lasag dagiti ar-ari, ken ti lasag dagiti cacapitan ken ti lasag dagiti mannacabalin a lallaki, ken ti lasag dagiti cacabayo ken dagiti nagsacay cadacuada, ken ti lasag dagiti isu-amin a tattao, agwayawayada man wenno paad-adipen, babassit ken dadackel.

Paltiing 20:12

Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 7:15

Gapu itoy addada iti sangoanan ti trono ti Dios, ket agserservida kencuana iti aldaw ken rabii iti templona: ket daydiay nagtugaw iti trono isalucubnanto ti tabernaculona cadacuada.