Paltiing 19:2 - Ti Biblia (1973)

² Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Ti Baro a Naimbag a Damag Biblia

² Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 19:2 Iomraidhean Croise

2 Ar-ari 9:7

Ket cabilemto ti balay ni Acab nga apom, tapno maibalesco coma ti dara dagiti adipenco a mammadto, ken dagiti dara dagiti isu-amin nga ad-adipen ni Jehova, iti ima ni Jezabel.

Dagiti Salmo 19:9

Ti buteng ken Jehova nadalus, agtalinaed nga agnanayon: dagiti linlinteg ni Jehova pudnoda, nalintegda amin a padapada.

Isaias 25:1

O Jehova, sica ti Diosco; sica ti itan-occo, dayawecto ti naganmo; ta nagaramidca cadagiti nacascasdaaw, cas cadagiti pammatigmaan idi ugma, iti kinamatalec ken kinapudno.

Daniel 7:26

Ngem ti panangocom maikeddengto, ket iccatendanto ti panagturayna, tapno isu maibus ken maracrac nga agnanayon.

Deuteronomio 32:35

Cuac ti pammales ken panggunguna, iti aldaw a pannacaigalisto dagiti sacada: ta ti aldaw ti panagladingitda asidegen, ket dagiti dumteng cadacuada napardasdanto.

Deuteronomio 32:4

Ti Bato, naananay ti aramidna; ta amin a dalanna kinalinteg: maysa a Dios ti kinamatalec ket awanan damca, isu awan pagcuranganna ken nalinteg.

Deuteronomio 32:43

Agragragsaccayo, O dacayo a nasnacion, a maitimpuyog iti ilina: ta ibalesnanto ti dara dagiti ad-adipenna, ket itednanto ti pammales cadagiti cabcabusorna, ket subbotennanto ti dagana ken ti ilina.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.

Paltiing 18:20

Agragragoca maipanggep kencuana, O, langit, ken dacayo a sasanto ken dacayo nga apostol ken dacayo a mammadto; ta ti Dios imbalesanna cayo kencuana.

Paltiing 18:3

Ta gapu iti arac ti pungtot ti pannakicamalalana, narba dagiti isu-amin a pagpagarian: ket dagiti ar-ari ti daga nakicamalalada kencuana, ket dagiti agtagtagilaco ditoy daga bimmacnangda gapu iti kinabuslon dagiti ragragsacna.

Paltiing 6:10

Ket agasasugda iti dackel a timec; Casano ti cabayagna, O Apo a santo ken napudno, a dica ocomen ken ibales ti darami cadagiti agnaed iti rabaw ti daga?