Paltiing 19:12 - Ti Biblia (1973)

¹² Ket dagiti matana cas la darang ti apuy, ket iti olona adda adu a balbalangat; ket adda maysa a naganna a naisurat nga awan ti nacaammo no di isu met laeng,

Ti Baro a Naimbag a Damag Biblia

¹² Kasla gumilgil-ayab nga apuy dagiti matana ket adu ti korona iti ulona. Naisurat ti naganna iti bagina, ngem isu laeng ti makaammo iti kaipapananna.

Paltiing 19:12 Iomraidhean Croise

Genesis 32:29

Idin ni Jacob sinaludsudna kencuana, ket kinunana, Dawatec kenca, Ipalawagmo caniac, ti naganmo. Ket isu kinunana, Apay a saludsudem ti naganco? Ket binendicionanna sadiay.

Dagiti Salmo 8:5

Ta isu ti inaramidmo a nababbaba bassit ngem iti Dios, ket balangatam iti dayag ken dayaw.

Exodo 23:21

Agannadcayo iti sangona, ket ipangagyo ti timecna; dicayo pagpungtoten; ta dinanto pacawanen ti salungasingyo: ta ti naganco adda kencuana.

Dagiti Proverbio 30:4

Siasino ti immuli sadi langit, ket immulog? Siasino ti nangacup iti angin cadagiti petpetpetna? Siasino ti nangabbeng cadagiti dandanum iti pagan-anayna? Siasino ti nangbangon cadagiti amin a pungto ti daga? Ania ti naganna, ket ania ti nagan ti anacna, no ammom?

Kanta ni Solomon 3:11

Rumuarcayo, O annac a babbai ti Zion, ket kitaenyo ni ari Salomon, a sibabalangat iti imbalangat kencuana ni inana idi aldaw dagiti panangasawana, ken idi aldaw ti kinaragsac ti pusona.

Isaias 62:3

Sicanto met ti maysa a balangat ti kinaimnas iti ima ni Jehova, ken naarian a diadema iti ima ti Diosmo.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Daniel 10:6

Ti bagina met mayasping iti berilo, ket ti rupana cas iti langa ti kimat, ket dagiti matana casda gumilgil-ayab nga aluten, ket dagiti tackiagna ken sacana casda napasileng a gambang, ket ti timec dagiti sasaona cas la timec ti umariwecwec a tattao.

Zacarias 9:16

Ket ni Jehova a Diosda ispalennanto ida iti daydiay nga aldaw a cas la iti arban ti ilina; ta casladanto cadagiti tampoc ti balangat, a naitag-ay iti ngato iti ngatoen ti dagana.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 21:5

Ibagayo iti anac a babai ni Sion: Adtoy ti arim umay kenca, Naemma ket sisasacay iti maysa nga asna, Ken iti maysa nga urbon, nga anac ti asna.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 17:11

Ket awanacon iti lubong; ket dagitoy addada iti lubong, ket umayac kenca. Ama a Nasantoan! aywanam iti naganmo dagiti intedmo caniac, tapno agmaymaysada, a cas cadata.

San Juan 17:12

Bayat ti caaddac idi cadacuada, inaywanac ida iti naganmo, dagiti intedmo caniac, ingagac ida ket awan cadacuada ti napucaw, no di ket daydi anac ti pacadadaelan; tapno ti Surat matungpal.

Taga-Efeso 1:21

A nangatngato unay ngem ti amin a gobierno ken agturay ken pannacabalin ken kinaapo, ken iti isu-amin a nagan a managanan, saan la a daytoy a pannawen, no di ket iti mapasungad pay:

Hebreo 2:9

Ngem makitatay ni Jesus, daydi naaramid a nanumnumo bassit ngem cadagiti angeles, nabalangatan ti dayag ken dayaw, gapu iti panagsagabana iti ipapatay, tapno gapu iti parabur ti Dios rinamananna ni patay a gapu cadagiti isu-amin.

Paltiing 1:14

Ket ti olona ken boboocna napudawda a cas la iti dutdut ti carnero a puraw, napudaw a cas la nieve; ket dagiti matana cas da la darang ti apuy;

Paltiing 12:3

Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 13:1

Ket siac nagtactacderac iti cadaratan iti igid ti baybay. Ket nacakitaac ti maysa nga animal a sumang-at manipud idi baybay, isu nga adda sangapulo a sarana ken pito nga olona, ket iti rabaw dagidi sarsarana, sangapulo a balangat, ket idi rabaw dagidi ol-olona, dagiti nagnagan ti tabbaaw.

Paltiing 19:16

Ket iti cawesna ken idi rabaw di luppona adda a naisurat daytoy a nagan: ARI DAGITI AR-ARI, KEN APO DAGITI AP-APPO.

Paltiing 3:12

Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Paltiing 6:2

Ket kimmitaac, ket adtoy, ti maysa a cabayo a puraw; ket daydi adda a sisasacay kencuana, adda idi maysa a bai ti panana, ket naited kencuana ti maysa a balangat; ket rimmuar a sibabal-ligi, ken tapno agbal-ligi.

Uk-ukom 13:18

Ket ti angel ni Jehova kinunana kencuana, Apayapay saludsudem ti naganco, idinto nga isu ti nacascasdaaw?