Paltiing 19:11 - Ti Biblia (1973)

¹¹ Ket nakitac ti langit a silulucat; ket adtoy ti maysa a cabayo a puraw, ket daydi nagsacay kencuana, managan idi ti Matalec ken Napudno; ket maipuon iti kinalinteg mangocom ken agaramid iti gubat.

Ti Baro a Naimbag a Damag Biblia

¹¹ Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Paltiing 19:11 Iomraidhean Croise

Dagiti Salmo 50:6

Ket dagiti langlangit ipalawagdanto ti kinalintegna; ta ti Dios isu ti ocom met laeng. (Selah)

Dagiti Salmo 96:13

Iti sangoanan ni Jehova; ta isu umay, ta isu umay a mangocom iti daga: ocomenanto a sililinteg toy lubong, ken dagiti tattao babaen ti kinapudnona.

Dagiti Salmo 98:9

Iti sangoanan ni Jehova; ta unay a mangocom itoy daga: ocomennanto a sililinteg toy lubong, ken sicacanatad dagiti inilin-ili.

Dagiti Salmo 99:4

Ti bileg ti ari pagayatanna met ti kinajusticia; sica ipasdecmo ti kinacanatad; sica salimetmetam ti kinajusticia ken kinalinteg iti sacup ni Jacob.

Exodo 15:3

Ni Jehova isu ti mananggubat: Jehova isu ti naganna.

Isaias 32:1

Adtoy, maysa nga ari agarinto iti kinalinteg, ken dagiti panguloen agturaydanto iti kinajusticia.

Isaias 45:21

Ipablaacyo, ken isu ti iparangyo; wen, agpipinnatigmaanda coma; asino ti nangipakita iti daytoy nanipud idi ugma? asino ti nangipablaac itoy idi nabayagen a pannawen? saan a siac aya, ni Jehova? ket awan ti sabali a Dios no di la sisiac, maysa a nalinteg a Dios ken maysa a Mangisalacan: awanen ti sabali no di la sisiac.

Jeremias 33:15

Cadagidiay nga aldaw, ken iti daydiay a pannawen, pataudecto ti maysa a Sanga ti kinalinteg ken David; ket isunto ti mangtungpal iti kinajusticia ken kinalinteg iti daga.

Ezekiel 1:1

Ket naaramid idi maicatlopulo a tawen, iti bulan a maicapat, iti maicalima nga aldaw ti bulan, idi addaac cadagiti nacayawan iti denna ti carayan a Kebar, a dagiti langlangit naluctanda, ket nakitac dagiti sirmata ti Dios.

Zacarias 1:8

Siac kimmitaac iti rabii, ket, adtoy, ti maysa a lalaki a nagsacay iti nalabaga a cabayo, ket nagintec iti tengnga dagiti caycayo nga arrayan nga addada idi iti lasong; ket iti malicudanna addada idi dagiti cacabayo, a nalabaga, alazan a natangken, ken puraw.

San Juan 1:51

Ket cunana kencuana: Pudno, pudno cunac cadacayo; makitayonto ti langit a silulucat, ken dagiti angel ti Dios nga umuli ken bumaba itoy Anac ti tao.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 19:19

Ket nakitac daydi animal, ken dagiti ar-ari ti daga ken dagiti buybuyotda, a naurnongda tapno gubatenda daydiay nagsacay idi cabayo, ken daydi buybuyotna.

Paltiing 19:21

Ket dagidi dadduma napapatayda babaen ti campilan daydi nagsacay idi cabayo, daydi campilan a rummuar idi ngiwatna: ket isu-amin dagiti tumatayab nagbussogda cadagiti laslasagda.

Paltiing 3:14

Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 3:7

Ket isuratmo iti angel ti Iglesia sadi Filadelfia: Dagitoy a banbanag cuna ti santo, ti napudno, ti addaan ti tulbec ni David, ti manglucat, ket awan ti macapunit, ken ti mangpunit ket awan ti macalucat:

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.

Paltiing 6:2

Ket kimmitaac, ket adtoy, ti maysa a cabayo a puraw; ket daydi adda a sisasacay kencuana, adda idi maysa a bai ti panana, ket naited kencuana ti maysa a balangat; ket rimmuar a sibabal-ligi, ken tapno agbal-ligi.