Paltiing 19:10 - Ti Biblia (1973)

¹⁰ Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.

Ti Baro a Naimbag a Damag Biblia

¹⁰ Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 19:10 Iomraidhean Croise

2 Ar-ari 17:36

No di ket ken ni Jehova, a nangaon cadacayo idiay daga ti Egipto iti dackel a pannacabalin ken tackiag a siuunnat, agbutengcayto kencuana, ket isu ti pagrucnoyanyonto, ket isu ti pagidatonanyonto:

Dagiti Salmo 45:11

Iti casta ti ari esmannanto ta imnasmo; ta isu ti agturaymo, ket pagraemam.

Exodo 34:14

(Ta dicanto agdayaw iti sabali a dios: ta ni Jehova, a ti naganna Naimun, isu ti Dios a naimun);

Daniel 2:46

Iti casta ni ari Nabucodonosor nagpacleb, ket nagrucbab ken Daniel, ket imbilinna a mangipaayda coma kencuana iti maysa a daton ken bangbanglo.

Daniel 7:10

Maysa nga umap-apuy nga ayus timpuar ken rimmuar iti sangona: rinibribu a ribu dagiti nagservi kencuana, ket sangalacsa a lacsa ti nagtatacder iti saclangna: ti panangocom naikeddeng, ket dagiti liblibro naluctanda.

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Marcos 5:22

Ket immay ti maysa cadagiti panguloen ti sinagoga, a managan Jairo; ket idi isu makitana, nagrucbab cadagiti sacsacana,

San Marcos 7:25

Ta apaman a nangngeg ti maysa a babai, nga adda bassit nga anacna a babai a nagun-gan ti maysa nga espiritu a narugit, immay ket nagrucbab cadagiti sacsacana,

San Lucas 1:19

Ket simmungbat di angel a kinunana kencuana: Siac ni Gabriel nga agserservi iti sangoanan ti Dios; ket nabaonac a makisao ken mangyeg kenca itoy naimbag a damag.

San Lucas 24:44

Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

San Juan 5:39

Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

Dagiti Aramid 10:43

Isu a patalgedan dagiti amin a mammadto a tunggal maysa a mamati kencuana, awatennanto ti pannacaiccat dagiti basbasol gapu iti naganna.

Dagiti Aramid 13:27

Ta dagidi agnaed idiay Jerusalem, ken dagidi agturayda, idinto a dida nailasin daytoy, ken dagiti timec dagiti mammadto a mabasa cadagiti amin nga aldaw a panaginana tinungpalda dagitoy a padto, iti panangdusada kencuana.

2 Taga-Corinto 8:7

Yantangay nawadwadcayo ngarud iti isu-amin, iti pammati, iti sao, iti sirib, ken iti amin a regta, ken iti ayatyo cadacami, umaducayo met coma itoy a parabur.

Taga-Efeso 5:15

Kitaenyo ngarud a siannad no casano ti pannagnayo, saan a cas la nacuneng, no di ket cas la masirib;

Taga-Efeso 5:33

Nupay casta, tunggal maysa cadacayo, ayatenna coma ti asawana a babai cas iti bagina; ket ti babai padayawanna coma ti asawana.

Taga-Filipos 3:3

Ta datayo ti pudno a pannacacugit, nga agdayaw babaen ti Espiritu ti Dios ket agrag-o ken Cristo Jesus, ket awan ti panagtalectayo iti lasag:

1 Taga-Tesalonica 5:15

Kitaenyo ta awan coma ti manupapac iti siasino ti dakes iti dakes met laeng, ngem surutenyo a cancanayon ti nasayaat iti maysa ken maysa, ken cadagiti isu-amin.

Hebreo 1:14

Saanda aya nga espiritu amin nga agservida a maibabaon tapno agserservi a maipaay iti paglaingan dagiti agtawidto iti pannacaisalacan?

Hebreo 12:25

Kitaenyo ta dicay paayen ti agsasao. Ta no dida nacatalaw dagidi, ta saanda nga inannugutan daydi nangipalawag ditoy rabaw ti daga iti pagayatan ti Dios, nangnangrona a ditayto nakatalaw, no ditay ipangag daydiay mangipalawag manipud sadi langit:

1 Juan 5:10

Ti mamati iti Anac ti Dios addaan ti pammanecnec: ti saan a mamati iti Dios, isu pinagbalinna nga ulbod, ta saanna a pinati ti pammanecnec nga inted ti Dios a maipapan iti Anacna.

1 Juan 5:21

Annacco a dongdongngoen, igagayo dagiti bagbagiyo cadagiti didiosen.

Paltiing 1:1

Paltiing ni Jesu-Cristo, nga inted ti Dios kencuana, tapno ipacaammona cadagiti ad-adipenna dagiti banbanag, isuda a maaramidto iti mabiit: ket isu intedna ket pinaibagana gapu iti angelna, iti adipenna a Juan;

Paltiing 1:9

Siac ni Juan, a cabsatyo ken makipaglac-am cadacayo iti rigat, ken iti pagarian ken iti kinaanus ni Jesus addaac idi idiay puro a managan Patmos, maipuon iti sao ti Dios ken iti pammanecnec ken Jesus.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 12:17

Ket nacapungtot daydi dragon idi babai, ket napanna ginubat ti natda iti capuonanna, a mangsalimetmet cadagiti bilbilin ti Dios ken addaanda ti pammanecnec ni Jesus:

Paltiing 14:7

Ket cunana iti dackel a timec: agbutengcay iti Dios ket isu dayawenyo: ta dimteng ti horas ti panangocomna; ket agdaydayawcayo iti nangaramid iti langit ken iti daga, ken iti baybay ken cadagiti ubbog dagiti dandanum.

Paltiing 15:4

Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 19:9

Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Paltiing 4:10

Dagidi duapulo ket uppat a lallacay agparintumengda iti sangoanan daydi adda nga agtutugaw iti trono, ket agrucbabda iti daydiay agbiag iti agnanayon, ket ipurruacda dagiti balbalangatda iti sangoanan di trono, a cuncunada: