Paltiing 19:1 - Ti Biblia (1973)

¹ Calpasan dagitoy, nangngegco ti maysa a dackel a timec a cas la ariwawa ti umariwecwec sadi langit a cuncunana: Aleluya Ti pacaisalacanan ken ti dayag ken ti pannacabalin cucua ti Diostayo:

Ti Baro a Naimbag a Damag Biblia

¹ Kalpasan daytoy, nangngegko ti kasla nagtitipon a timek ti adu a tattao sadi langit. Ikankantada: “Madaydayaw ti Dios! Ti pannakaisalakan, dayaw ken pannakabalin kukua ti Diostayo!

Paltiing 19:1 Iomraidhean Croise

1 Cronicas 29:11

Cucuam, O Jehova, ti kinadackel, ken ti pannacabalin, ken ti gloria, ken ti balligi, ken ti kinadayag: ta amin nga adda cadagiti langlangit, ken iti daga cucuam; cucuam ti pagarian, O Jehova, ket maitan-occa a cas olo iti rabaw ti isu-amin.

Dagiti Salmo 104:35

Dagiti managbasol maibusda coma ditoy daga, ket maawanda coma dagiti nadangkes. Benditoem ni Jehova, O cararwac. Idaydayawyo ni Jehova.

Dagiti Salmo 106:1

Idaydayawyo ni Jehova. O pagyamananyo ni Jehova; ta isu naimbag; ta ti kinamanagayatna agnanayon.

Dagiti Salmo 111:1

Idaydayawyo ni Jehova, agyamanacto ken Jehova iti amin a pusoc, iti pagbibinnalacadan dagiti nalinteg, ken iti gimong.

Dagiti Salmo 115:18

Ngem benditoentayo ni Jehova manipud ita nga agnanayon. Idaydayawyo ni Jehova.

Dagiti Salmo 146:1

Idaydayawyo ni Jehova. Idaydayawmo ni Jehova, O cararwac.

Dagiti Salmo 148:1

Idaydayawyo ni Jehova. Idaydayawyo ni Jehova manipud cadagiti langlangit: idaydayawyo cadagiti alimpatoc.

Dagiti Salmo 149:1

Idaydayawyo ni Jehova. Cantaanyo ni Jehova iti baro a canta, ken iti pannacaidaydayawna iti tallaong dagiti sasanto.

Dagiti Salmo 150:1

Idaydayawyo ni Jehova. Idaydayawyo ti Dios iti santuariona: idaydayawyo iti tangatang ti pannacabalinna.

Dagiti Salmo 3:8

Ti pannacaisalacan maipabiang ken Jehova: ti bendicionmo maisaad coma iti ilim. (Selah)

Dagiti Salmo 62:11

Ti Dios nagsaon iti naminsan, namindua a nangngegco daytoy, a ti pannacabalin biang ti Dios.

Jeremias 51:48

Iti casta dagiti langlangit, ken ti daga ken ti amin nga adda cadacuada agcantadanto gapu iti rag-o maipapan iti Babilonia; ta dagiti mangdadael umaydanto kencuana manipud iti amianan, cuna ni Jehova.

Jonas 2:9

Ngem agidatonacto kenca a mapacuyogan iti timec ti panagyaman; tungpalecto ti incaric. Ti pacaisalacanan agtaud ken ni Jehova.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

Paltiing 11:15

Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 12:10

Ket nangngegco ti maysa a dackel a timec sadi langit, nga cuncunana: Ita immayen ti pannacaisalacan ken ti pannacabalin ken ti pagarian ti Diostayo, ken ti panagturay ni Cristona; ta ti mangidardarum cadagiti cacabsattayo naitapuaken, daydiay mangidardarum cadacuada iti sangoanan ti Diostayo bayat ti aldaw ken rabii.

Paltiing 19:6

Ket nangegco ti ariwawa ti cas la umariwecwec, ken cas la ungor dagiti adu a dandanum ken ti cas la uni ti napigsa a gurgurood, a cuncunada: Aleluya; ta agari ni Apo Dios, a Mannacabalin-amin.