Paltiing 18:6 - Ti Biblia (1973)

⁶ Supapacanyo a cas ti impaayna met; ket paminduaenyo ti mamindua, kencuana, cas mainugot cadagiti ar-aramidna; iti copa a nangilaocanna, ilaocanyo iti mamindua a maipaay kencuana.

Ti Baro a Naimbag a Damag Biblia

⁶ Ipalak-amyo kenkuana ti inaramidna kadakayo. Ibalesyo iti mamindua ti impaayna. Punnoenyo ti kopana iti inumen a napapait ngem ti insaganana kadakayo.

Paltiing 18:6 Iomraidhean Croise

Dagiti Salmo 137:8

O anac a babai ti Babilonia, a maracraccanto naragsacto ti mangsupapac kenca, a cas iti impaaymo cadacami.

Dagiti Salmo 28:4

Itdem cadacuada ti catutopan ti gapuananda, ken catutopan ti kinadangkes dagiti panagaramidda: Itdem cadacuada cas iti panagaramid ti im-imada; ipaaymo cadacuada ti caicarianda.

Isaias 40:2

Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

Isaias 61:7

Iti lugar ti pacaibainanyo maminduacayto a maidayaw; ket iti lugar ti pacarabngisan dagiti adipenco agragsacdanto iti biangda: gapuna nga iti dagada cupicupandanto ti mamindua; agnanayon a rag-o ti addanto cadacuada.

Jeremias 16:18

Ket umuna supapacacto ti kinadakesda ken ti basolda iti mamindua, agsipud ta tinulawanda ti dagac cadagiti bangcay dagiti nacarurrurud a banbanagda, ken pinunnoda ti tawidco cadagiti kinarimonda.

Jeremias 17:18

Maibabainda coma dagiti mangidadanes caniac, ngem saanac coma, a maibabain; agcullayawda coma, ngem saanac nga agcullayaw; iyegmo cadacuada ti aldaw ti dakes, ket dadaelem ida iti mamindua a pannacadadael.

Jeremias 50:15

Agdir-icayo a maibusor kencuana nga aglicmut; isu tumuloken; dagiti sarikedkedna matuangen dagiti bacudna marpuugdan, ta isu ti pangbales ni Jehova: agibalescayo kencuana; cas ti inaramidna, casta ti daramidenyo kencuana.

Jeremias 50:29

Paurnongyo dagiti pumapana a maibusor iti Babilonia, dagiti amin a mangbiat ti ba-i; agpacarsocayo a maibusor kencuana nga aglicmut; awan coma ti macatalaw; isu supapacanyo a mayalubog ti aramidna; cas mayannurot iti isu-amin nga inaramidna, aramidenyo kencuana, ta isu natangsit idi a maibusor ken Jehova, a maibusor iti Santo ti Israel.

Jeremias 51:24

Ket isupapacconto iti Babilonia ken cadagiti agnaed idiay Caldea ti amin a kinadakesda nga inaramidda iti Sion iti imatangyo, cuna ni Jehova.

Jeremias 51:49

Cas ti Babilonia impasagna dagiti napapatay ti Israel, casta met laeng mapasagto idiay Babilonia dagiti napapatay iti amin a daga.

Dungdung-aw 3:64

Sica itedmonto cadacuada ti supapac, O Jehova, cas mainugot iti aramid dagiti im-imada.

Zacarias 9:12

Agsublicayo iti sarikedked, dacayo a balud ti inanama: ita nga aldaw met laeng ipalawagco nga isublicto kenca nga mamindua.

2 Timoteo 4:14

Ni Alejandro a mammanday iti cobre, adu ti dakes nga inaramidna caniac: ti Apo supapacannanto cas mayalubog cadagiti araramidna:

Paltiing 13:10

No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.

Paltiing 14:10

Isu met uminumto iti arac ti pungtot ti Dios, nga adda a naisagana nga awan aniaman a lalaocna iti copa ti pungtotna; ket matuocto iti apuy ken azufre, iti imatang dagiti santo nga angelna, ken iti imatang ti Cordero:

Paltiing 16:19

Ket ti dackel a ciudad nasayyasayya iti tal-lo a paset, ket dagiti ciudad cadagiti pagpagarian narbada ket ti dackel a Babilonia naipalagip iti sangoanan ti Dios, tapno maited kencuana idi ti copa ti arac ti kinaunget ti pungtotna.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 17:4

Ket daydi babai nagcawes iti purpura ken escarlata, ket naarcosan cadagiti balitoc ken batbato a napateg ken perperlas nga adda idi imana ti maysa a copa a balitoc a napno cadagiti macarimon, dagiti met laeng kinarugit ti pannakicamalalana,

Paltiing 18:20

Agragragoca maipanggep kencuana, O, langit, ken dacayo a sasanto ken dacayo nga apostol ken dacayo a mammadto; ta ti Dios imbalesanna cayo kencuana.