Paltiing 18:3 - Ti Biblia (1973)

³ Ta gapu iti arac ti pungtot ti pannakicamalalana, narba dagiti isu-amin a pagpagarian: ket dagiti ar-ari ti daga nakicamalalada kencuana, ket dagiti agtagtagilaco ditoy daga bimmacnangda gapu iti kinabuslon dagiti ragragsacna.

Ti Baro a Naimbag a Damag Biblia

³ Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:3 Iomraidhean Croise

Isaias 47:15

Castoyto ti pagmaayanda kenca dagiti banbanag a nagbanbannogam: dagiti nagtagtagilaco kenca nanipud idi kinaubingmo agtawtawatawdanto tunggal maysa iti naggapuanna; awanto ti mangicaluya kenca.

Jeremias 51:34

Ni Nabucodonosor nga ari ti Babilonia inalun-unnac, rinumecnac, pinagbalinnac nga alicamen nga ongaong, cas maysa a dragon inalun-unnac, pinunnona ti tianna cadagiti naimas a cancanec; isu imbellengnac.

Jeremias 51:7

Ti Babilonia isu idi ti copa a balitoc iti ima ni Jehova, a nagbartecan ti amin a lubong; dagiti nasnacion ininumda ti aracna, gapuna dagiti nasnacion agmauyongda.

Dungdung-aw 4:5

Dagidiay nangnangan iti naimas addada a walangwalang cadagiti lanlansangan. Dagidiay napadackel iti escarlata aracupenda dagiti bonbonton ti pagibblengan.

Nahum 3:4

Agsipud ti kinaadu ti pannakicamalala ti napintas a balangcantis, ti apo a babai dagiti kinamammoyon, a mangilaco cadagiti nasnacion a gapu iti pannakicamalalana, ken famfamilia a gapu cadagiti kinamammoyonna.

San Lucas 7:25

Ngem ania ti rinuaranyo a kinita? Maysa a tao a nacawesan iti pagananay a nalapat? Adtoy, dagiti nacacawes iti pagananay a napateg, ken agbiag cadagiti nam-ay, addada cadagiti palacio dagiti arari.

1 Timoteo 5:11

Ngem dica awaten dagiti balo nga ub-ubing; ta inton agbalinda a naalas a maisalungasing ken Cristo, tarigagayanda ti makiasawa;

Paltiing 14:8

Ket ti sabali nga angel, a maicadua, simmaruno a kinuna: Narba, narba ti dackel a Babilonia, isu a nangpainum cadagiti isu-amin a pagpagarian iti arac ti pungtot gapu iti pannakicamalalana.

Paltiing 17:2

Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 18:19

Ket pinurroacanda ti tapoc dagiti ol-oloda; ket agic-ickisda, nga agsangsangit ken agan-anug-ugda a cuncunada: Ay, asi pay daydi dackel a ciudad, isu a binacnangan dagiti isu-amin nga adda sasacayanda idi iti baybay, gapu cadagiti agcacapateg a gamengna; ta iti maymaysa nga horas isu napucaw.

Paltiing 18:23

Ket ti lawag ti maysa a pagsilawan saanto nga aglawagen kenca; ket ti timec ti novio ken ti novia saanto a mangngeganen kenca: ta dagiti agtagtagilaco kenca isuda idi dagiti pangoloen ti daga; ta gapu cadagiti panagsalsalamangcam naallilaw dagiti isu-amin a pagpagarian.

Paltiing 18:7

No casano ti panagpasindayagna ken panagbuslonna cadagiti ragragsac casta ti itedyo a tuoc ken sangsangit, ta isu cunana iti pusona: Naisaadac a reina, ken saanac a balo, ket uray caano diacto aglac-am ti ladingit.

Paltiing 18:9

Ket dagiti ar-ari ti daga, a nakicamalala ken nakipagbiag iti kinabuslon dagiti ragragsac kencuana agsangsangit ket agdungawdanto intono makitada ti asuc ti pacapuuranna.